Walîtîya Amedî çarçewa tedbîranê vera vîrusê Korona e tay birê neweyî girewtî. Walîtîya Amedî îfade kerd ke Amed de vîrusê Korona zêdêr kafe, restaurant, veyve û şînan de vila beno.

Birê neweyî wina yê:

-Veyveyî do saete 19:30 de dest pêbikerê û 22:30 de biqedê. Mewlûd, hêni û dîtinî zî 12:00 de do dest pêbikerê û 15:00 de biqedê. 

-Veyveyan de têna veyve û zama eşkenê dans bikerê. Konvoyê wesayîtan zî ame qedexekerdene. 

-Kokimî saete 16:00 ra pey do nêşorê cayanê sixletan. 

-Restaurant û kafeyî do bêrê kontrolkerdene ke goreyê tedbîran têgêrenê yan nê. Bi heman hawayî muşterîyî zî do bêrê kontrolkerdene. Kesê ke goreyê tedbîran tênêgêrenê înan rê cezaya pereyan do bêra dayene.