Amed de semedê wedaritişê serê Rayberê Şarê Kurdî Abdullah Ocalanî çalakîye ameye organîzekerdene. Hemserekê KCDYî Berdan Ozturk, aktîvîstê TJA, hemserekê DBPyî  Salîha Aydenîz û Keskîn Bayindir, parlamenterê HDPyî û xeylêk rêxistinê komelê sîvîlî tewrê çalakîye bîyî.

Hemserekî û parlamenterê ke Kuçeyê Sanatî de ameyî têhet waşt tîya eşkerayîye bidê la polîsî destûr nêdanê. Kuçeyê dormeyî hetê polîsan ra ameyî girewtene. Bi seyan wesayîtanê zirxinan çalakwanî girewtî binê ablûqa. Reyna banê HDPyî yê Yenîşehîrî gerîya binê ablûqaya polîsan.

Polîsan hêrişê şarî kerd. Parlementra HDPyî Remzîye Tosune ameye derbkerdene. Nuqtayanê cîya cîyayan ê bajarî de protesto pê slogan, çepik û tîlîlîyan dewam kerd.Welatîyê ke gerîyayê binê ablûqa înan ra yewe xora şîye.

Parlamenter Tayyîp Temelî ke binê ablûqaya polîsan de qisey kerd vat: ''Ma semedê tecrîdê Îmralîyî tîya de yê. Ma semedê qetlîamê Îzmîrî tîya de yê. HDP nê çeteyan asteng bikerê. Destê serê şarî ra biancê. Ma ewro tîya raştê hêrişanê bêehleqan ameyî. Di embazê ma ameyî derbkerdene.''

Parlamenter Omer Ocalanî zî vat: ''Seba ke tecrîdê serê birêz Ocalanî bêro wedaritene tîya de yê.  Ma do peyser game meerze û tecrîdî bişiknê.''

Çalakwanan bi sloganan xoverdayîşê Îmraliyî û tepişteyan selam kerd, Denîze Poyraz yad kerd û paştî daye HDPyî.