Qezaya Artuklu ya Mêrdînî de polîsan eşt keyeyê endamê Meclîsê HDPyî Emrullah Kalkanî ser û o dest bend kerd.  Polîsan wextê destbendkerdişî de Kalkanî rê îşkence û heqaret kerd. Goreyê zanayîşan polîsan qirikê ferdanê keyeyî girewtî û vat: ''Ma dewlet ê, ma bîla sebeb nêameyî.'' Ame zanayene ke derheqê Kalkanî de cezaya ci ya verêne ameye tesdîqkerdene û Kalkan ame berdene bi Mudirîya Polîsan a Mêrdînî û dima zî ame berdene bi Mehkemeya Mêrdînî.

Qezayanê Çinar, Sûr û Yenîşehîrî yê Amedî de zî roja sêşemeyî polîsan eşt xeylêk keyeyan ser. Sereştişan de taxa Elewendî ya Çinarî de Îbrahîm Temîz, Huseyîn Temîz, taxa Çarikli ya Sûrî de Mehmet Temîz û taxa Yenîşehîrî de zî Haşîm Temîz ameyî destbendkerdene.