Çarçewa tehqîqatê Serdozgerîya Komare ya Amedî de perey polîsan eştbi xeylêk keyeyan û Endamê Meclîsê Şaredarîya Rêzanî Vahît Dogu, Hemserekê Komeleya Hetkarîya Keyeyanê Tepişteyan (TUAY-DER) Mehmet Emîn Guzel, îdarekarê komele Şafî Heyam û endamê komele Leyla Ayaz, Abdulmenaf Kur, Muşehere Ulker û endama MEBYA-DERî Hanime Altindag dest bend kerdbi.

Îfadedayîşî ra dima vizêr destbednkerdeyî sewqê edlîye bîyî. Dadgerîye pê îdîaya ''endamîya rêxistine'' Hemserekê TUAY-DERî Mehmet Emîn Guzel, îdarekarê ci Şafî Heyam û endamê ci Muşehere Ulker ameyî tepiştene tepişte û 4 kesê bînî zî pê şertê kontrolê edlîyî vera dayî.

Semsûr de zî 5ê hezîrane de Hemsereko verên ê HDPyî yê Semsûrî, Abuzer Kuçukkelepçe, îdarekaro verêne Riza Açikpayam, îdarekara Egitim-Sen Ayşegule Yucetaş, Serekê Komeleya Elewîyan a Demokratîke Celal Demîrcî ameybî destbendkerdene. Înan ra 4 kesî pê îdîaya ''endamîya KCDyî'' ameyî tepiştene û berdene bi Zîndanê Semsûrî.

Ebru Gungor Çul zî pê şertê kontrolê edlîyî ameye veradayene.