Dewleta tirke ya îşxalkere 8ê kanûne ya 2024î ra nata hêrişê Awbendê Tişrînî û Pirdê Qereqozaxî kena. Şarê herême 8ê çeleyî ra nata vera hêrişan Awbendê Tişrînî de nobete tepişeno. Dewleta tirke narey zî hêrişê sîvîlan kerd ke nobete tepişenê. Netîceya hêrişan de 21 kesî ameyî qetilkerdene û  261 kesî birîndar bîyî. Şarê kurdî seba ke sûcanê şerî yê dewleta tirke teşhîr bikero her ca de çalakîyan keno.

Amedijan derheqê hêrişanê dewleta tirke yê vera Rojawanî de ANFyî rê qisey kerd.

Abdullah Erkan: Ez şarê ma ke Rojawan de xover dano selam kena. Şarê ma yê Rojawanî wezîfeyê xo ano ca û xover dano. Şarê kurdî çîyo ke kewno milê ci Rojawan de ano ca. Şarê ma rixmê heme hêrişan xo paweno. Netîceya hêrişanê dewleta tirke de sîvîl û rojnamegerî ameyî qetilkerdene. Rewşêka girane qewîyena. Ma nê hêrişanê dewleta tirke şermezar kenê. Ganî cade warê hewayî bêro qefilnayene û paştî bidîyo şarê Rojawanî. Kurdê Rojawanî heqanê xo pawenê.  Rojawan zerrîya ma ya. Heme dinya deyndarê Rojawanî ya.Coka ganî heme dinya wayîrê Rojawanî bivejîyo.

Ferah Işik: Ma wazenê wa hêrişê vera Rojawanî bêrê vindarnayene. Coka ma tîya de yê, Rojawnaî pawenê. Hêrişê vera Rojawanî nînê qebulkerdene. Ûca herra şarê Rojawanî ya. Ma hêrişanê dewleta tirke şermezar kenê. Şarê Rojawanî xo û herra xo paweno. Ma hinî şer nêwazenê. Şarê Rojawanî bi têkoşînê xo heme destkewteyê xo fînayî dest.  Ma zî paştî danê înan. Ma xoverdayîşê Rojawanî selam kenê û serkewtiş wazenê.

Mehmet Hanefi Kaya: Ma semedê haştîye waran de yê. Ma her çî ra ver haştîye wazenê. Ma sey kurdan tim têkoşîn kerd.Ma xoverdayîşê şarê Rojawanî selam kenê. Hêrişanê vera Rojawanî şermezar kenê. Teberê têkoşînî de yewna çareyê ma çîn o. Ma sey heme şaran heqanê xo wazenê. Semedê nê têkoşîn kenê.

Huseyin Bariş: Ma hêrişanê vera Rojawanî qebul nêkenê. Seba ke nê hêrişî bêrê  vindarnayene ma waran de yê.  Rojawan de sîvîlî yenê hedefgiewtene. Nê hêrişî merdimîye qetil kenê.Şima nêeşkenê bi bombayan şarê kurdî çîn bikerê. Sadam û Esedî wextêk no kerd la ser nêkewtî. A herre herra şima nîya. Wayîrê a herre şarê Rojawanî yo. Ma wazenê wa nê qirkerdişî biqedîyê.