Roşnvîro kurd Musa Anter (Apê Musa) 20ê êlula 1992yî de hetê JÎTEMî ra kuçeyê 442. yê taxa Cumhurîyetî yê qezaya Yenîşehîrî yê Amedî de amebi qetilkerdene. Musa Anter serrgêra qetilkerdişî de cayê serebûtî de ame yadkerdene.

Yadkerdiş serkêşîya DFG û MKGPyî de ame kerdene. Lajê Anterî Dîcle Anter, Wekîlê Partîya Çep a Keske Ceylane akça û Mehmet Kamaç, endamê ÎHDyî û xeylêk kesî û rojnamegerî tewrê yadkerdişî bîyî. Polîsan destûr nêda ke girse fotografanê Ferhat Tepe û Yilmaz Yakutî bêrê akerdene.

Hêverî Vervatoxa MKGPyî Roza Metîna qisey kerd û pare kerd ke Anterî bi qelema xo têkoşîn kerdo û rojnamegerî ewro wayîrê qelema ey vejîyenê.

Rojnameger Huseyîn Akyolî ard ziwan ke rojnamegeranê kurdan alaya Anterî berz kerdo û vat: ''Ma soz danê Musa Anterî ke mîrasê ey erdê nêverdê. Ma do tim tîya de bibê.''

Lajê Musa Anterî Dîcle Anterî wesîyetê babîyê xo vist vîrî û vat: ''Babîyê mi vatêne 'Wa ciwanê kurdî mi gorê mi de rehet bikerê.' Ewro qelema ey destê rojnamegeranê kurdan de ya. Babo zerrîrehet be, generalê to yê qijî qelema to gênê.''

Wekîl Kamaçî da zanayene ke şarê kurdî qetî Apê Musayî xo vîr a nêkero û vat: ''Faîlê cînayetê Musa Anterî bêceza vera dîyayî. La ma do ey qetî xo vîr a nêkerê. Rayîrê ey rayîrê xoverdayîşî yo.''

Qiseykerdişan ra dima girseyî bi sloganan ver bi cayê serebûtî rayraşîyayîş kerd û qeranfîlî verdayî.