Fermandaranê Qerargehê Merkezî yê HPGyî ra Hakî Armancî derheqê rewşa sîyasî û leşkerî ya Kurdîstanî de Radyoya Dengê Gelî rê qisey kerd.

Qiseykerdişê Hakî Armancî ra tay noqtayê girîngî wina yê:

''Komployo Mîyanneteweyî yê vera Rayber Apoyî 25 serrî yo dewam keno. Rayber Apoyî destêkî pa sîstemê modernîteya kapîtalîste keşf kerd û vera ci têkoşîn kerd. Coka sîstemî vera ey no komplo kerd. Komployî armanc kerd ke tesîrê Rayberê Şarê Kurdî çin bikero. La Rayber Apoyî no armanc zî fam kerd. Coka 9ê Teşrîna Verêne ya 1988î de sûrîye ra vejîya. Rayber Apoyî seba ke şarê Sûrîye zerar nêvîno Sûrîye ra vejîya. Çunke dewleta tirke reyde hêzanê mîyanneteweyîyan zî do hêrişê Sûrîye bikerdêne. Rayber Apo şi Ewropa û Rûsya, dima zî bi Komployê 15ê Sibata 1999î tepişîya. Rixmê kerdişanê bêexlaqanê dewleta tirke zî Rayber Apo tim bi samîmîyetî û çareserî nêzdî bi û bi nê hawayî ey verê komployî pratîk de girewt. 

Tecrîdê vera Rayber Apoyî bi serran o dewam keno û hînî no tecrîd vurîyayo îşkenceyî. Hêzê mîyanneteweyî û dewleta tirke seba ke tesîrê Rayber Apoyî ra tersenê ey tecrîd kenê. Rayber Apoyî rixmê hende kerdişan zî qetî tewirê xo ra tawîz nêda û apey gamêke nêeşte. O 25 serrî yo vera tecrîdî xo ver dano. Şarê kurdî û dostê ma zî seba azadîya Rayber Apoyî têkoşîn kenê. 

Dişmen Vakurê Kurdîstanî de pêser operasyonan keno. Dişmen gerîlayanê Vakurî ra terseno û keno ke pê teknîkî ser bikewo. La gerîlayî pê çalakîyan û îradeyê xo teknîkê dişmenî pûç kenê. Herêmanê Pawitişî yê Medya de zî gerîlayan çend serrî yo game bi game erjî afernayî. Tîya de têkoşîn zaf pîl o. Dişmen 2021 hêrişê vera Garê ra nata xîret keno ke Herêmanê Pawitişî yê Medya îşxal bikero la gerîlayî hêrişanê dişmenî şiknenê. Dewleta tirke kena ke pê çekanê qedexeyan û kîmyewîyan netîce bigêra la nêeşkena.

Dişmen PDKyî ra destek gêno. PDK bi xo wextêkî ra nata hetê dewleta tirke de mîyanê şerî de cagêno. Têgêrayîşê ma çend reyî bi eşkerayîyan PDK hişyar kerd. Her kes vîneno ke PDK hemkarîya dewleta tirke keno. Eke wina dewam bikero beno ke mabênê PDK û gerîlayan de şer biqewimîyo. Ma qeyî ney nêwazenê. Heta nika zî ma sebrêko pîl mojna. La eke rewşêka şerî biqewimîya amadekarîyê ma est ê. Ma tedbîrê xo girewtî. Embazê ma pêro serê erkê xo de yê.''