Artêşa tirke 23ê nîsane de operasyonêk da destpêkerdene. Avaşîn de zî xoverdayîşanê tewr pîlan ê Têgêrayîşê Azadîye yê Kurdîstanî yeno kerdene. Artêşa tirke pê operasyonanê 'Pençe Yildirim' taktîkanê nazîyan ana ca û kena ke gerîlayanê azadîye îmha bikera. Gerîlayî çarçewa Hemleya Şorişgêre ya Bazanê Zagrosî de xo ver danê û psîkolojîya leşkeran ê îşxalkeran xeripnena. Hewteyêkî ra nata bi taybetî Avaşîn de artêşa tirke pê bombardumanan xozaya Kurdîstanî kena wele. Gerîlayî nê şewatan sey 'îsbatê binkewtişê artêşa tirke' ercnenê.

Artêşa tirke hêverî hedef kerd ke debikewa tunelanê şerî û gerîlayan teslîm bigêra. La 23 nîsane ra heta 3ê gulane gerîlayan tunelanê waranê Mervanos û Mamreşoyî yê Avaşînî de têkoşîn kerd û artêşa tirke bin kerde. Artêşa tirke Dola Konferansî, Aris û Faris û Dola Mara de zî xîret kerd ke bikewa tunelan la reyna bin kewte. Artêşa tirke neçare mende û Zagrosan de pê cerg û leşkeranê xo kerd ke şer bikera. Gerîlayan ê ceza kerdî. Îşxalkerê bînî zî yan kendalan ra ginayî war yan zî pê skorskîyan remayî.  Yanî dewleta tirke nê taktîkê xo yê diyînî de zî ser nêkewte.

Dewleta tirke tarîx de têna hetê 'barbarîye û talanî ra ser kewte. Avaşîn de zî bi taybetî mabênê 23-30ê gulane de artêşa tirke pê obus û hawanan her ca de şewatî vetî. Zagrosê ke cenetê dinya yê nika binê zulmê dewleta tirke de vêşenê. Nê şewatê ke Basya ra heta Werxelî pêro erazîyê Avaşînî de estê nîşaneya binkewtiş û bêçaretîya dewleta tirke ya. Nê şewatî benê sebebê mergê bi hezaran gandaran û daran û hema zî dewam kenê.