Artêşa tirke ya îşxalkere ewro saetanê serê sibayî de dewijê ke ver bi Koyê Şekifî yê Başûrê Kurdîstanî şîyêne ke vaj arêdê, înan ser o bombayî varnayî. Hêrişî de 1ê înan bi giranî 5 kesî birîndar bîyî.
Dewleta tirke hemwelatîyê ke warê Deşta Hertê ra semedê arêdayîşê vajî şîyêne dormeyê Koyê Şekîfî yê Başûrê Kurdîstanî, qilanê warê Xakurkê ra bi havan û obusan dayî bombayan ver.
Bombarduman de Zozane Qadîr bi giranî pêro pîya 5 kesî birîndar bîyî. Bi rojan o ke warê Deşta Hertê ra dewijî şîyênî Koyê Şekîfî ra vaş arêdayêne. Ewro saetanê serê sibayî de artêşa tirke dewa Piekanî ra dewijê ke semedê arêdayîşê vajî ver bi Koyê Şekifî şîyênî bi eştişê topan hedef girewtî. Dewijanê ke ver artêşa tirke ya îşxalkere û paştgêra ci PDKyî hêrsê xo ard ziwan, vat ma do çirey herra xo cameverdê.
