Ma xeylêk çêrê Kurdîstanî, şorişgêrî û sosyalîstê koyan rojnuşteyanê nînan ra şinasnayî. Nînan ra yew zî Şehîde Aryana Baran (Yasemîne Maç) a.

Şehîde Aryana nê vateyî peyê xo de ver dayî: ''PKKyî ra verî ez mîyanê cuyêka cîya de bîya ke mi qetî mana û xorinîya cuye fam nêkerdêne. Labelê mîyanê PKKyî helêka mi zî nêmana nêbîye. Nê rayîrî de kêmasî û şaşîtîyî zî estbê merdimî xeylêk çîyan visnenê destî. Ez do senî bieşka nê erjan, nê qewimîyayîşan daîmî bikera? Ez do senî bieşka mi hende rindîye dîya? Ez senî bieşka bikera merdimî pê bawer bibê ke nê koyî sey xezîneyan ê?Çi vaja kêm o, werrekna ez bieşka vaja. Oyo girîng no yo ke ez çi mana serebûtan rê kena.''

Gerîla Aryana 15ê gulane de qezaya Hîlwanî ya Riha de dadîya xo ra bena û pê kulturê şorişgêrîye bena pîl. Keyeyê ci teda û zorbazîya îşxalkeran ra koçê Rûsya keno. Serra 1999î de dima ke Rayber Apo yeno esîrkerdene a zî bire dana ke tewra gerîlayan biba. Aryana bi nê hawayî yena koyanê Kurdîstanî.

Gerîla Aryana (Yasemîne Maç) zaf emrî mîyanê emrê xo de nimitî. Pê vateyê ''Ez do bi rayîrî bivurîya, bi rayîrî newe biba'' a şîye. Her ke şîye aye rayîrê neweyî kifş kerdî.

Gerîla Aryana raywanîya xo de xeylêk şerwanî şinasnayî. Serra 2021î de raywanîye de a tewra karwanê şehîdan bîye.