Qezaya Rezanî ya Amedî de 11ê êlula 2019î de wesayîtê zirxînî Efe Tektekîno 5 serre eciqnabi. Polîso tirk Î.A. bi sûcdarîya 'xeletî ra bîyo sebebê mergî' Mehkemeya Cezaya Aslî ya 9. de ameyêne hukmkerdene. Roniştişo 4. yê dewa ame kerdene.

Polîso kiştox û avûkatê ci binê pawitişê polîsan de dekewtî salona roniştişê dewa. Avûkatê keyeyê Efeyî Sedat Çinarî, dadîya Efeyî Nazîme û babîyê ci Ahmet Tektekîn, Merkezê Heqanê Merdiman ê Baroyê Amedî ra avûkate Kubranure Kartal tewrê roniştişî bîyî.

Mudirîya Asayîşî fotograf û qeydê mobese yê cayê serebûtî pê CD erşawitî la îdîa kerd ke 'kameraya wesayîtê zirxînî xeripîyaye bîye' û coka dîmenê kamera nêerşawitî.

Mehkeme taloqê 27ê nîsane bîye.