Serekê Pêroyî yê Partîya Azadîye Ayetullah Aştîyî ANFyî rê yewîya kurdan û îşxalê Tirkîya yê vera Başûrî ser o qisey kerd.

Aştîyî bale ante ser ke dewleta tirke semedê şerê zereyî yê kurdan xîret kena û vat: ''Coka kurdî cade mîyanê xo de peymanêke virazê. Na peymane ganî yewîye û îtîfaqê kurdan xo rê bikera esas. Meseleya verêne ya kurdan na ya ke kurdî wayîrê perspektîfê yewîye nîyê. eke ma pê perspektîfî têbigêrê hînî ma eşkenê dişmenî ra bixelisê. Binê hêrişanê nikayênan ê îşxalî de parçebîyayîşê ma esto. Qet nêbo hetê hişmendî û îdeolojî ra ma yewîya xo awan bikerdêne ewro ma resayêne astêka cîya.''

Aştîyî îfade kerd ke kurdî her çi ra ver sîyasetê neteweyî bîyarê ca û vat: ''Ganî tek derdê partîyan ê sîyasîyan ê kurdan Kurdîstan bo. Ganî kurdê mantiqê pawitişê destkewteyanê xo têbigêrê. Pê raştî û xeletîyanê xo ganî ma bibê yew. Kurdîstan wa bo esas. Ganî kurdî pêro îdareyê Başûrê Kurdîstanî meşrû bivînê.  Başûrê Kurdîsan têna ê partîyêke yan zî ê keyeyêkî nîyo ê pêro kurdan o. Ganî ma pîya vera hêrişanê îşxalî yê serê Başûrî vinderê.''