Gerîlayê HPGyî Devran Ekîno ke xoverdayîşê Avaşînî de ca girewt û 25ê nîsana 2021î de warê Şehîd Dilgeşî yê Mervanosî de şehîd kewt verê Şehadetê xo ANFyî rê qisey kerdbi û nê vatbî:

''Leşkerê tirkî erazî de cayo ke tede manenê tersê gerîlayan ra hîrgarg  pê telanî manenê.  Seba ke ê vera çalakîyanê gerîlayan sey sereştiş, sabotaj û sûîqastî nêeşkenê tedbîran bîgêrî psîkolojîya înan qet rehet nêya. Ê zî zanê ke gerîlayan xo newe kerdo û bi taktîkanê neweyan danê piro. Rixmo ke tersî ra qurfê înan kewta vanê ma gerîlayî qedînayî. La raştîye de ê vînanê ke gerîlayî bi çalakîyanê xo teknîkê înan pûç vejenê.  Artêşa tirke zana hinî destê înan ra çîyêk nêno têna paşta xo teyarayanê keşîfî ra girê dayo. Bê înan nêeşkenê erazî de gamêke bierzê. Ma pîsîkolojîya leşkeranê tirkî hole zanê. Xo sey serkewteyî ramojnenê la wina nêyo.  Enkazê çalakîyanê ke embazan kerdî hema erazî de yê. Halê wesayîtanê înan ê zirxinan werte de yo. Na cografya de kam hekîm o eşkera eseno. Serra 2021î de ma pratîkê neweyî rê xo amade kenê. Ma do bi çalakîyanê serkewteyan têkoşînî pîlêr bikerê. Cayê ke dişmen vano ma girewtî ma do nê cayan de rehet medê înan. Ê do bedelê her gama ke  herra ma de erzenê bidê. Ê kewtî yew şer ke tira nêeşkenê vejîyê. Ma do sey gerîlayanê HPGyî vera dişmenê heta peynî têkoşîn bikerê û ser bikewê.''