Avaşîn de mabênê gerîlayan û îşxalkeran de pêkewtişê giranî qewimîyenê
Warê Girê Qertalî yê Avaşînî de artêşa tirke ya îşxalkere operasyonêk da destpêkerdene û mabênê hêzanê gerîlayan û îşxalkeran de pêkewtişê giranî qewimîyenê.
Merkezê Îrtîbatî û Çapemenîye yê HPGyî derheqê hêrişanê îşxalkeran û xoverdayîşê gerîlayan de eşkerayîyêke daye. Eşkerayîye wina ya:
''22ê teşrîna verêne de artêşa tirke ya îşxalkera ke warê Girê Qertalî yê Avaşînî de operasyonêk da destpêkerdene bîye hedefê hêzanê ma. Nê warî de mabênê hêzanê ma û artêşa îşxalkere de pêkewtişê giranî dewam kenê. Agahîyê zêdeyî dima do bêrê parekerdene.
19ê teşrîna verêne de warê Qertal û Stûnê yê Avaşînî, 20ê teşrîna verêne de warê Xoverdayîşî yê Werxelê û Girê Berbizina yê Goşînê yê Xakûrkê dîyayî bombayan ver. 21ê teşrîna verêne de warê Girê Qertalî, Girê Lanetî û Werxelê yê Avaşînî û warê Kafya yê herêma Garê dîyayî bombayan ver.
20-21ê teşrîna verêne de warê Girê Şehîd Fedakarî û Çemçoyî yê herêma Zapî dîyayî bombayan ver û ê saetan de têgêrayîşê helîkopteran zî tede qewimîya. 22ê teşrîna verêne de warê Girê Lanetî yê Avaşînî dîya bombayan ver.''
