Merkezê Îrtîbatî û Çapemenîye yê HPGyî deheqê çalakîyanê gerîlayan û hêrişê îşxalî de eşkerayîye daye.

Eşkerayîya HPGyî de ca dîya nînan:

Bedlîs

''1ê hezîrane de qezaya Tûxî ya Bedlîsî de vera îşxalkeran çalakîyêke ameye kerdene.  Çalakîya sabotajî ya ke mabênê qereqolanê Hopê û Kirpmanî yê warê Gelîyê Ûranisî de vera wesayîtê tîpê Transîtî ameye kerdene de yewê înan payeberz 8 îşxalkerî ameyî cezakerdene.  Badê çalakîye îşxalkeran herême de operasyonê hîra da destpêkerdene. 3ê hezîrane de mabênê hêzanê ma û îşxalkeran de pêkewtişê giranî qewimîyayî. Tîya îşxalkerêk ame cezakerdene di îşxalkerî zî birîndar bîyî. Nê pêkewtişan de embazê Êrîş Garzan, Egîd Çîyager û Dijwan Hezexî heta guleyê xo yê peyênî şer kerd û xoverdayîşê destankî de şehîd bîyî. Herême de operasyon dewam keno.

Metîna

Hezanê HBDHyî 14ê hezîrane de Qilê Koordîne de vera îşxalkeran çalakîya koordînekerdîye  kerde.  Çalakîye de 3 îşxalkerî ameyî cezakerdene û 2 mewzîyî ameyî îmhkerdene.  15 hezîrane de Qirika Mîlîtanî de îşxalkeranê ke falîyetê damî rayraberdene ameyî pirodayene. Çalakîya sûîqestî de îşxalkerêk ame cezakerdene. 14ê hezîrane de warê Orê Sereru û Koordîne pê teyarayanê hêrişî ameyî bombardumankerdene. Herêma Derarê de zî têgêrayîşê helîkopteran estbi.

Avaşîn

14ê hezîrane de warê Basya û Stûna yê Avaşînî pê obus û hawanan ameyî bombardumankerdene. Warê Girê Sorî û Qilê Suleymanî pê teyrarayanê şerî ame bombardumankerdene û Qilê Suleymanî de leşkerî ameyî cakerdene. 15ê hezîrane de îşxalkerê ke Qilê Suleymanî de waşt debikewê mewzîyanê şerî pê çekanê ferdîyan ameyî pirodayene û mecbur mendî ke peyser agerê. Reyna di çalakîyê bînî yê sabotajî vera îşxalkeran tîya ameyî kerdene. Çalakîyan de 2 îşxlakerî ameyî cezakerdene. 15ê hezîran de  warê Werxelê de tunelê şerî bi teyrayanê şerî ameyî bombardumankerdene. Bado ke hêzanê ma mudaxaleyê helîkopteran kerd  ê herême ra kewtî dûrî.

Zap

14ê hezîrane de Qilê Xereqolî de îşxlakerî pê çekanê giranan ameyî pirodayene la hûmara merde û birîndaran ê dişmenî zelal nêbîye.  Eynî roje  warê Herfa Tyî û Çiloyê Qijî pê teyarayanê hêrişî ameyî ameyî bombardumankerdene.''