Endama Konseya Serekatîya Pêroyî ya KCKyî Sozdar Avesta bernameyê Rojeva Welat ê Stêrk TVyî de rojnamegere Mehtape Orak reyde rojdem ercna. 

Qiseykerdişê Sozdar Avesta ra eşêk wina yo:

Hemleya 1ê Hezîrane qasê Hemleya 15ê Tebaxe girîng a. Hemleya 1ê Hezîrane awankerdişê neteweyê dmeokratîkî, azadîya cinîyan û azadîya şaran o. Ez Hemleya 1ê Hezîrane ya pêro şaran û yê şarê kurdî fîraz kena. Ez şehîdanê Hemleya 1ê Hezîrane bi mînet yad kena. Hemleya 1ê Hezîrane vera komlogeran û tasfîyekeran ser kewte. Na hemle serra 2020î de zî dewam kena. Eke Hemleya 1ê Hezîrane nêbîyêne DAÎŞ pêro Rojhelatê Mîyanênî de vila bîyêne. Merdimîye deyndarê na hemle ya. 

Tecrîdê vera Rayber Apoyî tim dewam kerdêne. Dewleta tirke nê hêzî komplogeran, hêzanê mîyanneteweyîyan û CPTyî ra gêna. Heta ke tecrîd estbo têkoşînê vera ci zî do dewam bikero. Şiknayîşê nê tecrîdî têna wezîfeyê şarê kurdî yan zî ê Têgêrayîşê Azadîye nîyo. Wezîfeyê pêro merdimîye û ê hêzanê demokrasîyî yo. 

Vera şaran û bi taybetî zî vera şarê Kurdîstanî hêrişê xidarî yenê kerdene. Vera erjanê fîrazan, goran û zîndanan hêrişî yenê kerdene. Dewlete bi nê hawayî kena ke şarê ma her çî xo vîrî ra bikerê, hîşmendîya ci çin bikera.  Heyfê xo goran ra gênê. Wazenê ke şarê kurdî nê çêran xo vîrî ra bikerê. Na felsefeya faşîzmê Erdoganî ya. Vatêne kokê ma do wedaro. Kokê ma zî nê yê. 

Çapemenîye destê îqtîdarî de ya. Sey Amerîka polîsanê tirkan şarê kurdî rê zaf zulm kerd la her kes vera ney bêveng mend. Wa her kes baş bizano şarê kurdî wayîrê erjanê xo, rûmetê xo, cenazaya xo vejîyeno. Dişmenî goranê ma ra tersenê. Zerrîya şarê Kurdîstanî de nameyê şehîdanê ma bi herfanê zerdan nusîyayî. Kes nêeşkeno nînan zerrîya ma ra bivejo. Nê şehîdî seba ma binê erdî de yê ganî  her kes wayîrê nê rûmetan bivejîyo. Têgêrayîşê Azadîye îqtîdarê faşîstî ra do hesabê ney biperso.

Pê hêrişê vera zîndanan zî wazenê ke îradeyê şarê ma bişiknê. Qaşo qanûnêk ver. Pêro cergî, mafya, kiştoxê cinîyan û tecawuzkerî vera dîyayî. Zîndanî nika pê şarê kurdî pir ê. Wazenê xeta xoverdayîşî ya zîndanan bişiknê. Ganî şarê ma seba embazanê ma yê tepişteyan çalakîyan bikerê, têkoşîn xurt bikerê. Seba vengkerdişê zîndanan ganî îqtîdar bêro çinkerdene. Şarê Tirkîya û hêzê demokrasîyî yê Tirkîya vera nê kerdişan bêveng ê. Şarê kurdî xoverdayox o la ganî şarê bînî zî wina têbigêrê pê eşkerayîyan nêbeno. Ganî ê zî dest pê têkoşînî bikerê.

Vera cinîyan hêriş yeno kerdene. Ganî no hêriş têna seke hêrişê vera komeleyêke nêro hesibnayene. AKP wazeno cinîyêka winasêne biaferno ke binê emrê camêrdan de ya. Îqtîdar cinîyan seba xo sey asteng vînena coka hêrişê xeta azadîya cinîyan keno. Ganî cinîyê ma têkoşînê xo xurtêr bikerê, xoverdayîşê xo pîlêr bikerê. Cinîyê ke vanê Gulîstane Doku kotî de ya yan zî çira cinîyî yenê qetilkerdene, hêrişê înan yeno kerdene. Cinîyanê kurdan têkoşînê 45 serran de azadîye tam kerd. Ganî cinîyî pê xo bawer bibê, hesabê kerdişan bipersê. Seba sîstemê hemserekîye hêrişê HDPyî kenê. Ma pê bawer ê ke cinîyî do ser bikewê, ma paştî danê têkoşînê înan.

Dewleta tirke Zînî Wertê de şarê kurdî yewbînan reyde dana pêrodayene. Têgêrayîşê ma seba çareserîya alozîya Zînî Wertê xîret kena, goş dana rayaumûmîye la berpirsîyarîya na alozîye têna milê ma de nîya. PDK ame nê warî. Yewîye ha ça de ya? Ez tîya ra venga pêşmergeyan, şarê Başûrî, rayaumûmîya Başûrî dana ke pê înîsîyatîfêk têbigêrê. Wa bêrê Zînî Wertê û YNK û PDKyî rê vajê ke yewîya ma ha ça de ya. Zînî Wertê de, Heftanîn de, Lêlikan de ajanî estê.  Nê ajanî kewenê mabênê kurdan. Eke PKK nêbîyêne têkoşînê şarê kurdî nêresayêne na aste. Şarê Başûrî no dî. Xeyal û waştişê şarê kurdî yewîya neteweyî yo. Eke kurdî yewîya xo awan nêkerê parçe parçe do bêrê çinkerdene. Seba naye zî ganî ê hêzî xo Zînî Wertê ra biancê, ambargoyê serê Mexmûrî bêro wedaritene. Rûmetê şarê kurdî binpay mekerê. Ma seba çareserîye amade yê.

Dişmenî gerîlayanê ma ra tersenê. Ciwanê Kurdîstanî seba ke vera faşîzmî şer bikerê her parçeyê Kurdîstanî de têkoşîn kenê.  Ez venga ciwanan danê ke tewrê gerîlayan bibê, welatê xo û şarê xo xeta Rayber Apoyî de bipawê. Gerîlayî azadîya Rayber Apoyî ra berpirsîyar ê. Ez reyna hêzê pawitişî, milîsnaê HBDHyî, yewinanê qesasî û xoverdayîşê înan rê selam kena. Ê rûmetên ê, ganî xo hîna aver bêrê. Ez pêro cinî û ciwanan seba têkoşînê azadîye dawet kena.''