Avûkatanê Buroyê Huqûqî yê Asrinî ra Îbrahîm Bîlmezî tecrîdkerdişê Rayberê Şarê Kurdî Abdullah Ocalanî û qiseykerdişê ci yo peyên ercna.

Avûkat Îbrahîm Bîlmezî peymananê mîyanneteweyîyan û qanûnanê xo binpay kena û vat: ''Hewê muwekîlê ma yê Îmraliyî estê ke keye û avûkatanê xo reyde pêvînayîşan bikerê. La 15ê sibata 1999î ra nata Zîndanê Îmraliyî de heqê bingeyî yenê binpaykerdene. No tecrîd mojneno ke Birêz Abdullah Ocalan hukmwerdeyêko normal nîyo. O keso winasêno ke fikrê ci tesîrê Kurdîstan, Tirkîya û Rojhelatê Mîyanênî rê tesî kenê, xîret keno ke projeyanê sîyasîyan û haştîye bivisnê dewre.''

Bîlmezî da zanayene ke îqtîdar û dewlete înkarê meseleya kurdan û caardişê tecrîdî rê dewam kenê û vat: ''No tewir ekonomî ra heta sîyasetî tesîrê pêro waran keno. Ocalan vera nînan nêrazîbîyayîşê xo mojneno û venga dewlete dano ke qet nêbo goreyê huqûqî têbigêra. Birêz Ocalanî bi israrî wazeno ke meseleya kurdan pê dîyalogan û metodanê demokratîjan bêra çareserkerdene. Abdullah Ocalan 1999î ra nata qet nêzdîbîyayîşê ercan û bêhûmretî  qebul nêkerdî. O binê tecrîdê giranî de rixmê hende nêweşîyanê xo seba çareserîya demokratîke ya meseleya kurdan fikirîyeno. La îradeyo sîyasî û muxatabê bînî yê mesele tim bi hawayêkê taktîksel û konjokturelî nêzdîyê mesele bîyî.''

Bîlmezî bale ante tesîrê tecrîdê Îmraliyî yê vera komelî ser û vat: ''Abdullah Ocalan hêzê demokrasî, bi taybetî rayaumûmîye, têgêrayîşê kurdan rexne keno ke bi hawayêkê vengî têgêrenê, polîtîkaya tecrîdî û asayîşî qebul kerde û musayî na rewşe. Abdullah Ocalan 3 camêrdan reyde Îmrali de binê tecrîdî de yo. Tecrîd û çaresernêkerdişê meseleya kurdan tesîrê cuya ma pêroyînan kenê. Abdullah Ocalan na bêvengîye û musayîtîye rexne keno.''

Bîlmezî vist vîrî ke Rayberê Şarê Kurdî her firsend de vano kerdişê Îmraliyî plankerde yê, Îmrali de tesadûfî çin ê. Bîlmezî vat: ''Ey xeylêk caran ard ziwan ke tecrîdkerdişê ey û serebûtê sîyasî û komelkî pabesteyê yewbînan ê. Coka astengkerdişê pêvînayîşan birêka sîyasî ya. Eke seba pêvînayîşê keye û avûkatan destûr nêno dayene, eke asta tecrîdî yena berzkerdene ganî no sey neçareserîye de israr bêro dîyene û vera ci zî xeta têkoşînê demokratîkî bêra awankerdene.''