Merkezê Îrtîbatî û Çapemenîye yê HPGyî bîlançoya şerî ya mabênê 23ê nîsane-3ê gulane eşkera kerde.

Eşkerayîya HPGyî wina ya:

''Dewleta tirke ya kolonyalîst û qirkere û îdarekarê ci AKP-MHP-Ergenekon armancê îşxalê Kurdîstanî ra fek vera nêdanê. Ê wazenê game bi game Kurdîstan îşxal bikerê, kurdanê azadan werte ra wedarnê, PKK tasfîye bikerê, kurdan teslîm bigêrê û qirkerdişê kurdan bîyarê ca.

Înan çarçewa planê qirkerdişî de şewa 23ê nîsane vera warê Zap, Metîna û Avaşînî yê Herêmanê Pawitişî yê Medya hêrişê îşxalî dayî destpêkerdene. La nê hêrişî raştê xoverdayîşê gerîlayanê HPG û YJA-Starî ameyî. Gerîlayan Hemleyê Şorişgêrî yê Cengê Xabûrî û Bazanê Zagrosî dayî destpêkerdene. Na çarçewe de 23ê nîsane ra heta 3ê gulane 10 rojan de gerîlayan pê qerardarî, cesaret, taktîk û çalakîyanê xo asta Gerîlayanê Modernîteya Demokratîke mojnaye.

 Rixmo ke dewleta tirke ya îşxalkere nê hêrişanê îşxalî de kutik, bombardumanê giranî, hêzê taybetî, gazê kîmyewî bi hawayêkê namêrdî şuxilnena netîceyêke niviste deste. Dewleta tirje verê çimanê pêro dinya de bi hawayêkê kifşî gazê kîmyewî şuxilnena. Êyê ke vera naye bêveng ê sey hemkarê nê sûcî tarîx de bêrê namekerdene.

Gerîlayanê Azadîye yê Kurdîstanî nê şerê 10 rojan de esasê xeta gerîlatîya neweyî, pespektîf û taktîkanê neweyan de pratîkê çalakîyanê hewayî, hêriş, sabotaj, sûîkastî pratîkêk na werte. Artêşa tirka ke pê teknîkê xo û artêşa xo wafanê xo dana Metîna, Zap û Avaşînî de rijîyaye û qet nêeşkaye aver şora. Rixmo ke artêşa tirke vînîbîyayîşanê xo rayaumûmîye ra nimnena her şewe birîndar û merdeyê xo pê helîkopteran berdî, pê vurnayîşê leşkeranê xo takwîyeya hêzî kerde. Gerîlayanê ke pê Cengê Heftanînî û Serkewtişê Garê resayî astêka girînge raştîya xeta gerîlatîya dewrê neweyî  Hemleyanê Cengê Xabûrî û Bazanê Zagrosî de newe ra mojnaye.

Nê şerê 10 rojan de embazanê ma Ekîn, Asya, Çîyager, Dişlêr, Delale û Vîyane vera dişmenî bi çêrî şer kerd, destanê çêrîye nuştî û rayberîya çalakîyan kerde. No prosesê şero ke bi taybetî hêzê ma yê YJA-Starî asta serkêşîye de tewrê ci benê îradeyê cinîyan ê kurdan, waştişê înan ê azadîye û qerardarîya înan a serfîrazîye mojneno. No xoverdayîş têna îşxalê Başûrê Kurdîstanî asteng nêkeno heman wextî de her ca de do xoverdayîş aver bêro û rayraşîyayîşê Kurdîstanê Azadî-Rayberîya Azade de netîce bigêro.

Esasê Şerê Şarê Şorişgêrî de ciwan û cinîyê Kurdîstanî wa her ca de wayîrê nê xoverdayîşê gerîlayan vejîyê, ruhê fedayî yê Apogîrîye her cayê Kurdîstanî rê vila bikerê û Hemleya 'Wextê Azadîye' biresnê serkewtişî.

Semedo ke hêzê ma pê terzê nêmotonomî şer kenê beno ke agahîyê çalakî û pêkewtişan erey yenê. La seke heta nika wina bîyo şehadetî, çalakîyê gerîlayan û prosesê pêro şerî goreyê îmkanan do rayaumûmîye û şarê ma reyde bi hîsgerî do bêrê parkerdene.

Bîlançoya şerê 10 rojan

Bîlançoya şerê mabênê 23ê nîsane û 3ê gulane wina ya:

Çalakîyê hêzanê ma;

– 8 çalakîyê Hêzanê Pawitişî yê Hewayî yê Şehîde Delale

– 1 Çalakîya çeka bitermale

– 2 çalakîyê bikoordîne û hemwextî yê gerîlayan

– 3 çalakîyê mîyankewtişî

– 9 çalakîyê derbkerdişî

– 11 çalakîyê çeka girane (doçka, hawan û katyuşa)

– 12 çalakîyê sûîkastî

 – 33 çalakîyê sabotajî

– 37 çalakîyê hêrişî

– Bi temamî 116 çalakîyê gerîlayî ameyî kerdene û 6 embazê ma şehîd bîyî

Hêrişê artêşa tirke ya îşxalkere;

-Herêmê Pawitişî yê Medya pê obus, hawan û teyarayan bêmabên bi se reyana dîyayî bombayan ver.

–34 reyî artêşa îşxalkere xîret kerd ke bikewa tunelan û her reye pê derban ameye astengkerdene, netîceyêke nêviste dest.

– 9 reyî gazê kîmyewî û jehrînî şuxilîyayî.

Netîceya çalakîyanê hêzanê ma de;

– 2 dronî ameyî derbkerdene

– 6 helîkopterî ameyî derbkerdene

– Yewê ci fermandarê girî yo payeberz, yewo bîn pawitoxê kutikan ê bi nameyê leşkerê veterînerî yê payeberzî bi temamî 147 îşxalkerî ameyî cezakerdene.

– 15 îşxalkerî ameyî birîndarkerdene.

Hacetê leşkerîyê ke hêzanê ma îmha kerdî;

– 1 radar

– 3 kamerayê mobese

– 1 çeka A4î

– Bi desan mewzîyî ameyî îmhakerdene

Hacetê leşkerîyê ke hêzanê ma dest na ser;

– 1 çeka MPTî

– 1 çeka bombaatarî

– 1  çeka BKCyî

– 1 çeka B7 (Bisiving) 

– 1 dûrbunê termalî

– 1 hacetê bêtelî

– 2 dûrbunê çeke