25ê hezîrana 2020î de Wan de erdlerzêk qewimîyabi û dewa Elaçmazî ya Payîzava zî xeylêk binê tesîrê erdlerzî de mendbî. 

Hemwelatîyê Elaçmazî nika zî bîyî mexdûrê laserî. Laser de awe kewte keyeyanê mexdûranê erdlerzan. Bi seyan heywanî zî seba ke xeyme nêdîyaye ci teber de mendî û telef bîyî. 

Derheqê mesele de endama Meclîsê Şaredarîya Payîzava ya HDPyî Canane Guprinar qisey kerd û îfade kerd ke hukmatî erdlerzî ra dima hetkarîya HDPyî asteng kerde, hetkarîyêke nêdaye dewijan, mexdûrê erdlerzî terkê qederê xo bîyî.

Canane vat: ''Netîceyê ewroyînî peygoşîya ê çaxî ya dewlete ya.''