Axpînê koyê Qereçoxî yê Mexmûrî vêşenê
Axpînê koyê Qerçoxî yê Mexmûrî yê Mûsilî vizêr şanî ra nata vêşenê. Goreyê zanayîşan cerganê DAÎŞî adir verdabi axpînan. Şewat resa tîtikê koyî.
Vizêr saete 20:30 de qezaya Mexmûrî ya Mûsilî de axpînanê verê koyê Qereçoxî de şewatêk dest pêkerd. Goreyê zanayîşan ra ke hemwelatîyan ra ameyî girewtene cerganê DAÎŞî axpînî dayî ver adirî. Şewat geş bi û resa tîtikê koyî.
Heman wextî de têgêrayîşê teyarayanê keşfî û şerî zî herême de zêdîyayî. Wextanê peyênan de têgêrayîşê cerganê DAÎŞî herême de zêdîyayî.
Par zî cergan Rojawanî ra heta Iraqî tay cayî vêşnaybî.
