Gerîlayê Azadîye yê Kurdîstanî ke vera hêrişanê îşxalî yê dewleta tirke tunelanê şerî de xover danê derheqê xoverdayîşê Rayber Apoyî yê Îmraliyî de  ANFyî rê qisey kerd.

Gerîlaya YJA Starî Besta Sîdar: No komplo şexsê Rayber Apoyî vera şaran ame kerdene. Komplokeran kerd ke bi hepskerdişê Rayber Apoyî têgêrayîşê ma tesfîye bikerê la Rayber Apoyî bi xoverdayîşê xo planê înan betal kerdî û hêvîya şaran girde kerde. Azadîya fîzîkîye ya Rayber Apoyî hedefo esas ê gerîlayanê azadîye yê Kurdîstanî û heme şaran o. Semedê nê zaf bedelê ameyî dayene. Keda pîle ameye dayene. Rayberîye xoverdayîşê bêhempa rayra beno û no xoverdayîş têkoşînê şervananê azadîye û şarî de qerardarîye afirneno.

Gerîlayê HPGyî Ferhat Egîd: Her şervanê PKKyî fedayîyê Rayber Apoyî yo;coka heta ke tecrîd bibo do têkoşîn zî bêro rayraberdene. Komplo hema devam keno la Rayber Apo xoverdayîşê tarîxî dano. Îradeyê ey no komplo betal kerd. Komplokaran kerd ke bi nê planî şarê kurdî û têkoşînê azadîye biqedînê la Rayberîye bi serran o semedê şaran xover dano û bi bawerî, azm û îradeyê şarî. Ma zî sey gerîlayanê Rayberîye seba ke bibê layîqê ey ma do têkoşînê xo girdêr bikerê. Ma hazirê ke semedê caardişê azadîya ci ya fîzîkeye ke her qeyde bedel bibê.

Gerîlayê HPGyî Bawer Hebeş: Hedefê komployê ke vera Rayber Apoyî ame kerdene têna o nêbi. Çunke Rayberîye temsîlkarê şaranê bindestan, şaranê Rojhelatê Mîyanênî û her kesî yo ke gêreno azadîye.  Sîstemo kapîtalîst wazeno Rojhelatê Mîyanênî bigîro binê hegemonyaya xo. Coka Rayber Apo û têgêrayîşê azadîye ameyî hedefgirewtene. Ma do semedê azadîya fîzîkîye ya Rayber Apoyî têkoşînî xurtêr bikerê. Ma tunelanê şerî ra Îmraliyî rê, Rayber Apoyî rê selam û hurmetê xo şawenê.

Gerîlayê HPGyî Hemze Ereb: Komployî 26 serrî xo dima verdayî û Rayber Apo xoverdayîşê xurtî rayra beno. Ez sey şervanêkê erebî refanê  PKKyî de heta caardişê azadîya fîzîkîye ya Rayber Apoyî do têkoşîn bikerê. No tecrîd vera heme şaranê Rojhelatê Mîyanên o. Têkoşînê ma do heta caardişê azadîya Rayberîye bêro domnayene. Ma pê bawer ê ke do heme şarî semedê wedaritişê tecrîdî û caardişê azadîya fîzîkîye ya Rayber Apoyî têkoşînî xurtêr bikerê.