Mi goş da gerîla Ciwana û Evrîme. Wird gerîlayî zî Cengê Heftanînî de şer kenê û pê serkewtişî bawer ê. Gerîla Ciwana hêverî deyîra xo vate û dima zî vat: ''Tîya Heftanîn o.'' Pêro çekuyê ke fekê ci ra vejîyenê, ercîjaye yê. Ciwana wazena ke wa her kes vajo ke Cengê Heftanînî do ser bikewo.

Gerîla Ciwana vat: ''No ruh do ser bikewo. Moral, tewir û xoverdayîşê embazanê ma estê. Ma do dişmen tîya ra vejê. Heta peynî ma do Xantûr de bibê. Cewabo ke cinîyan da dişmenî, bitesîr bi. Tîya Heftanîn o, tîya warê xoverdayîşî yo. Warê Rûbar, Rustem, Amara, Berfîn, Berîtan û Viyanan o. Heta peynî zî do wina bimano. Embazê ma bi hawayêkê profesyonelî têgêrenê. Embazî vera teknîkê dişmenî bi îradeyê xo cewabanê xurtan danê.''

Dest pêkenê reyna deyîran vanê. 

Peynî de vanê: ''Ma na deyîre dîyarîya gerîlayan kenê ke her cayê Kurdîstanî de bi taybetî Heftanîn de şer kenê. Tîya Heftanîn o!''

Beno ke azadîye na ya. Na hele de ya. Beno ke azadîye huyayîşê nê wird gerîlayan de û bawerîya înan a seba serkewtişî de ya.