Gerîlayê Yewinanê Pawitişî yê Rojhelatê Kurdîstanî (YRK) Rûbar Efrînî derheqê zulmê vera kurdan, rayîr û metodanê qedînayîşê îşxalê Kurdîstanî û Hemleya 'Wextê Azadîye' de qisey kerd. 

Gerîla Rêber Efrînî vat: ''Sebebê zulmê vera şarê ma îqtîdarîya dewlet a. No îqtîdar komelî rê yeno ferzkerdene. Mîyanê refanê azadîye de îqtîdar çin o. Coka merdimî lez cuya gerîlatîye musenê û dewaya azadîye rê benê perwer.

Dima ke embazê mi Rêbaz şehîd bi ez tewra gerîlayan bîya. Nika ez wazena xo biresna asta ey û qesasê ey bigêra. Tîya de her kes pê felsefe û îdeolojîya Rayber Apoyî têgêreno. Paradîgmaya Rayberîye cuyêka têdûşte û fikrêkê azadî pêşkêş kenê.Çunke cuya gerîlayan cuyêka têdûşt a. Seba cuyêka rûmetêne hewceyê kurdan pê şerê şarî yê şorişgêrî esto.  Tek rayîrê demokrasî û azadîye fikr û felsefeya Rayber Apoyî ya.

Azadîya cinîyan pabesteyê azadîya Rayber Apoyî ya. Ez venga cinî û ciwanan dana ke wezîfeyê xo bîyarê ca, şorişê demokrasî û azadîye awan bikerê. Ez venga şarê Merîwanî dana ke ganî vera teda û zulmî wurzê payan ser. Wa ciwanî wayîrê Rayberîye vejîyê. Azadîya Rayber Apoyî azadîya cinîyanê Rojhelatê Mîyanênî ya.''