Herêma Kurdîstanî de seba weçînayîşê parlamentoyî yê 20ê teşrîna verêne hêzanê asayîşî dest pê raydayîşî kerd.

4 herêmanê Başûrê Kurdîstanî, Kerkûk û 7 şaristananê Iraqî de rayî yenê dayene. Nê cayan de bi temamî 215 hezar û 960 kesî do ray bidê.

Hewlêr de 62, Silêmanî de 57, Dihok de 33, Helebçe de 1 sindoq ronîya.

Ancî Kerkûk, Bexdad, Selahedîn, Nînova, Dîyala, Vasit û Anbar de zî merkezê sindoqan ronîya. Raydayîş do heta saete 18.00 dewam bikero. Raydayîşo pêroyî 20ê teşrîna verêne de yo.