Xeylêk şaristananê Başûrê Kurdîstanî de protestoyê pîlî ameyî kerdene.

Hewlêr, Kelar, Ranya û Şeladizê de şar  vejîya meydanan, bêvengîya hukmatê herême ya vera îşxalan, meseleyê ekonomîk û weşîye protesto kerdî. Şarî venga hukmatî da ke wa îstîfa bikero.

Bi seyan kesî Parka Azadîye ya Silêmanîn de kom bîyî û înan bi sloganan nêrazîbîyayîşê xo mojna.

Ranya de zî şar meydan de kom bi û vera hukmatî nêrazîbîyayîşê xo mojna. Hêzanê asayîşî hêrişê şarî kerd, bombayî eştî şarî ser û fîşekê plastîkî varnayî. Şarî bi kerrayan xo ver da, xeylêk nawnayîşkerî zî birîndar bîyî.

Kelar de zî şar Parka Leyla Kasim de kom bîyî û heta bînaya qemeqamîye rayîrî ra şi.Seba ke vera rayraşîyayîş hêriş ame kerdene alozîye qewimîyaye. Şerê mabênê şar û hêzanê asayîşî dewam keno.

Şêladizêya Dihokî de zî protestoyanê vera hêrişanê dewleta tirke ra verî qedexeyê tebervejîyayîşî ame îlankerdene. Asayîşê PDKyî dikanê esnafî qefilnayî.

vejîya meydanan, bêvengîya hukmatê herême ya vera îşxalan, meseleyê ekonomîk û weşîye protesto kerdî.