Şaristanê Silêmanî yê Başûrê Kurdîstanî de Rayberîya Înîsîyatîfê Demokratîkî yê Şarî de semedê paştdayîşê kampanyaya 'Tecrîd, îşxal, faşîzmî rê bes o, wext wextê azadîye yo' ya KCKyî hemleya 'Ma îşxalan çin bikerê Kurdîstan bipawê' ameye destpêkerdene. Xeylêk çalakîker, roşnvîr, temsîlkarê partî û rêxistinê Başûrê Kurdîstanî tewrê îlanê hemle bîyî.

Çalakîye de fotografê Rayberê Şarê Kurdî Abdullah Ocalanî ameyî berzkerdene û pankartê 'Malê tirkî boykot bikerê', 'Îşxalan çin bikerê' ameyî akerdene.

Eşkerayîye hetê endamê Komîteya Amadekarîye ya Hemleya Herême Mehmûdî ra ameye wendene. Eşkerayîye de wina ame vatene: ''Ewro Başûrê Kurdîstanî binê tehlukeyê îşxalê dewleta tirke de ya. Vera naye ganî ma bi ruhê yewîya neteweyîye vinderê. Ganî ma erdê xo, şarê xo û destkewteyanê xo bipawê. Ma venga roşnvîr, nuştox û rojnamegeran danê ke bibê wijdanê komelî û vera îşxalan seba ke şarî hîşyar bikerê rayberîye bikerê.''

Peynîya eşkerayîye de  5 armancê hemle ameyî parekerdene.

Armancî wina yê:

1-Ma do çarçewa hamle de seba azadîya Rayber Apoyî têbigêrê û welatê xo bipawê.

2- Ma do çarçewa na hemle de bi rayîranê çalakîyan tewirê xo bimojnê û wezîfeyê xo bîyarê ca. 

3-Ma do xîret bikerê ke rêxistin û komelê bînî yê Başûrî tewrê hemle bibê.

4-Na hemele hetê ekonomîk, sîyasî, komelkî, kulturel û çapemenîye ra zî vera îşxalî do bêra caardene.

5-Ma do seba caardişê yewîya neteweyîye têkoşîn bikerê.