Wezaretê Weşîye yê Hukmatê Herêma Kurdîstanî derheqê doneyanê 24 saetan ê peyênan ê vîrusê Korona de eşkerayîyêka nuştekîye daye. Goreyê eşkerayîye Herêma Kurdîstanî de 33 cayanê cîyayan de 1809 kesî binê karantîna de yê û mabênê 24 saetanê peyênan de zî 159 kesê bînî gêrîyayî binê karantîna.

Hetê bînî ra eşkerayîye de ame vatene ke 24 saetanê peyênan de 891 testî ameyî kerdene û netîceyanê testan de 3 kesan de vîrusê Korona ame tesbîtkerdene. Ame vatene nê 3 kesan ra yewe zî cinîyêka 40 serre ya ke bajarekê Behirkê yê Hewlêrî ya. Ê di kesanê bînan ra yew zî camêrdo 80 serre yo û şarê Şarbajêre ra yo. Camêrdo bîn zî 29 serre yo, bajarekê Rizgarî yê Kelarî ra yo. 

Goreyê xebera Rojnewsî heta nika herême de bi temamî 344 kesî pê vîrusê Korona kewtî, înan ra 4 kesan dinyaya xo bedilnaye û 318 kesî zî bîyî weş. Nika nêweşxaneyanê herêma Kurdîstanî  de têna 22 nêweşê Korona estê.