Paştdayîşê semedê kampanyaya azadîya Rayberê Şarê Kurdî Abdullah Ocalanî çend şino pîlêr beno. Başûrê Kurdîstanî de roşnvîr, nuştox, hunermend, parlementer, rojnameger û atîvîstan ra 415 kesan semedê azadîya Rayberê Şarê Kurdî Abdullah Ocalanî vilaweke weşanaye.

Vilaweka hempare de nê ameyî vatene: ''Birêz Abdullah Ocalan yew zanyar û şerwanê azadîye yo. Netîceya komployê mîyanneteweyî de 24 serrî yo Zîndanê Îmraliyî de binê tecrîd de yo. Rayber Ocalan semedê heq û azadîya şarê xo û şaranê Rojhilatê Mîyanênî şer keno, têgêrayîşê azadîye rê serkêşîye keno. Hetê bînî ra bi desan kirabê ci est ê. Birêz Ocalan seba ke vera polîtîkayanê îşxalî vejîya û têkoşînê azadîye da bi komloyêko xeylêk welatî tede ca genê, teslîmê dewleta tirke bi. Senî ke zanyarê kurdan zî vanê dewaya ey dewaya ke şexsî nîya, dewaya şarê kurdî ya meşrû ya.  Heta ke dewaya kurdî nêro çareserkerdene ne Kurdîstan ne zî Tirkîya û Rojhilatê Mîyanînî de hûzûr û haştîye benê. Ganî Birêz Ocalano ke mifteyê çareserîya dewaya kurdî û haştîye herême yo, ganî bibo azad. Hêzê komplokerî û dewleta tirke sey cuya weşîye Birêz Ocalanî azadîya ci ya fîzîkîye ra zî berpirsîyar ê. Coka ma wazenê ke wa Birêz Ocalan cade bibo azad.''