Hemserekê Konseya Rayberdişî ya KCKyî Cemîl Bayikî bi wesîleya serrgêra ci ya 37.  Hemleya 15ê Tebaxe ANFyî rê ecna. Bayîkî qiseykerdişê xo de bale antê nê xususan ser:

''Dewelta tirke wextê ronayîşê komare ra vera Vakûrê Kurdîstanî şerê taybetî kena. Pê şerê taybet û psikolojîkî wazena ke komelê kurdan bikero bêîrade. Pêkerdişê Lozanî zî paştî daye înan. Seba ke Başûrê Kurdîstanî û Rojawan Îngîlîstan Fransa rê bimanê verê heme qirkerdişanê serê kurdan ame akerdene. Nê pêkerdişî de kurdê ke sînorê Tirkîya de yê estbîyayîşê înan yeno înkarkerdene. Dewleta tirke bi polîtîkaya qirkerdişî wazena ke kurdan çîn bikero.  Rayber Apo û PKKyî raştîya dewleta tirke rind fehm kerd û vera ci dest pê têkoşînê bitesîrî kerd. Rayber Apoyî sey sosyologê sîyasetî kayê leyminî yê dewleta tirke û pûç vetî. Netîceya polîtîkaya qirkere de tay kurdan bi xo estbîyayîşê xo înkar kerdêne. Kurdî ferqê raştîya xo de nêbî. Reyber Apoyî no sey qet yew kurdo ke xo rê xîyanet mekero nêmendo. Polîtîkaya qirkere hemeyan rê no dayo kerdene. Pê nê vatişî waştêne ke kurdan bidejno  ke ê bêrê xo. Xora vatêne heta ke na raştîye nêro fehmkerdene têkoşînê azadîye û demokrasîyî Kurdîstan de avêr nêşino.

Hemleya 15ê Tebaxe bi nê zanayîşî ameyî hazirkerdene. Verî ganî kesayêtîya ke dişmenî afernaye ya ra biameyênê xelisnayene. Coka 15ê Tebaxe sey Gueleyê verênî yeno namkerdene.15ê Tebaxe sere de guleyê xo yo verên vera kanperestîye eşt ke mîyanê kurdan de amebî afernayene. Nê guleyê verênî kurdî rêzilanê kanperestîye ra xelisnayî û resnayî raştîya înan. Coka ganî 15ê Tebaxe zaf hetin bêro destgirewtene. Guleyo verên vera polîtîka û caardişanê dewleta tirke yê 60 serran ê ke seba ke kurdî xo înkar bikerê rayra berdî, ame eştene. Guleyo ke erzîya qereqolê dişmenî eslê xo de qereqolê ke sereyê kurdan de yê ê rijnayî. Dewleta tirke kerdêne ke kurdî nasnameyê xo ra bişarmî estbîyayîşê înkar bikerê û vazdê hetê tirkan. Tay mendbi ke waştişê înan bêro ca ke Rayber Apoyî game eşte û kurdî leweyê kaşî ra peyser antî. Kurdê ke ganêşî de bî mergî ra ameyî xelisnayene.

15ê Tebexe yew çalakîya ke tarîx bedilna. Tarîx de çalakîyê winayênî kêm ê. Çalakiyê winayênî benê destanê ê şaran. Ya zî destanî semedê şarî yêna na mana. Aye ro 15ê Tebexe yew hetî ra zî sey Newroze destanê neteweyî yê kurdan o. Xora sey Newroze 15ê Tebexa zî sey Roşan û Roja Ganîbîyayîşî gerîyeno dest.  Bi nê zanayîş û nêzdîbîyayîşî yeno pîrozkerdene.  Pîya bi 15ê Tebexe xeylêk şorişî têdima ameyî kerdene. Xora saba ke xeylêk şorişî kerdî tira vajîyeno Şorişê Ganîbîyayîşî. Eke wîna nêbîyêne yew şaro ke sînorê mergî de yo nêbîyêne gnaî.  Rayber Apoyî seba helme şorişan bikera bitaybetî plan kerde û semedê nayî komel, kadroyê ma û dostê ma biîtîna perwerde kerdî. Heta ke şarê kurdî wîna her hetî maameyêne perwerdekerdene nêeşkayêne heme kanperestîyan ra xo bixelisno. Heme cuya Rayber Apoyî perwerde yo.  

Verî kurdan têna estbîyayîşê xo yo fîzîkî esas girewtene la nika dormeyê ercanê neteweyîyan de ameyî têhet semedê ameyo xê xo de fikiryenê. Nê hîssî têna Botan, Serhad, Dêrsim, Garzan û Amed de nê çar leteyanê Kurdîstanî de estê. Hînî heme Kurdîstanî de hîsgêrîya komelkî ameya afernayene ke fîkîryena û qisey kena. Dost û dişmen her kes qebûl keno ka Hemleya 15ê Tebaxe semedê estbîyayîşê kurdan rolo tarîxî kay kerd û ser kewt. Kurdî ewro bi nasnameyê xo sereberz ê. Şarî seba ke na taybetîya 15ê Tebexe dîye dormeyê PKK û gerîlayan de ame pêser, wirişt payan ser û serewedaritişê pîlî yê tarîxî kerdî. Cinîyan nê şorişî de zaf tesîrê xo ramojna no zî karaktero demokratîk ê şorişî îspat keno. Reyna pîya bi nê şorişî kultur û hunerê kurdan zî ganî bi. Ewro şarê kurdî Rojhilatê Mîyanênî de şaro tewr demokratîk û azadîwaştox o

Ma roşnayîya na raştîye de afernayoxê Hemleya 15ê Tebaxe Rayber Apoyî selam kenê, şehîdanê xo yê ke nê ercî dayê ma, înan  pê hurmet û minetî yad kenê û heme gazîyanê têkoşînê gerîlayan rê serkewtiş wazenê. Roşanê Ganîbîyayîşî yê  Rayber Apoyî, heme şarê kurdî, heme têgêrayîşê ma yê azadîye û dostanê rê pîroz bo.''