Hemserekê Konseya Rayberdişî ya KCKyî Cemil Bayikî sîteyê Komalên Ciwanî rê Komployê 9ê Teşrîna Verêne ercna. Ercnayîşê Bayikî bi kilmî wina yo:

“Heme komployê tarîxîyî sîyasî û îdeolojîk ê. Komployo ke vera Rayber Apoyî ame kerdene o zî polîtîk o. Semedê famkerdişê komployan ganî merdim bizano kam peyê nê komployan de yo. Komplo de waştişî eşkera nînê vatene. Waştiş û nîyetî nimiteyî. Sebebê nê zî oyo ke hêzê komplogerî tewirê komelî ra qesawet kenê. Vera Hz. Îsa û Hz. Aliyî zî komployê winayênî ameyî kerdene. Bi nê komployan komel ame hedefgirewtene. Tarîx de çîyo ke camêrdî vera cinîyan kerd o zî komplo yo. Komployo ke vera Rayber Apoyî ame kerdene ferqê ci goreyê komployanê bînan o yo ke nê komployî de zaf hêzî ca genê. 

Xeta Rayber Apoyî de azadîya şaranê Kurdîstan û Rojhelatê Mîyanênî est a. Modernîteya kapîtalîste nê nêwazena. Coka Rayber Apo ame hedefgirewtene. Komplo bi planê girdî ame kerdene, dewleta tirke têna tede ca girewt. Bêşik dewleta tirke seba ke dişmenîya kurdan kena waşt Rayber Apo bidîyo ci la no kopmlo bi waştişê Tirkîya nê goreyê menfeatê modernîteya kapitalîste ame kerdene. Xora Rayber Apo vano rolê Tirkîya komplo de têna gardîyanîye ya. 

Dewleta tirke semedê îmhayê Rayber Apo û PKKyî û qirkerdişê kurdan her qeyde polîtîka rayra bena. Xora vera Rayber Apo û PKKyî tim Amerîka, Îsraîl NATO paştî danê dewleta tirke. Rixmê nê paştîdayîşî averşîyayîşê ke Rayber Apo û PKKyî verê înan akerdî nêeşkayî bêrê vindarnayene. Sîstemê Îmraliyî zî pabesteyê komployî yo. Rayber Apo 25 serrî yo Îmrali de xover dano.  Rayber Apo vano kam ke mi ra hes keno, wazeno mi fam bikero wa paradîgmaya mi fam bikero û bîyaro caardene. Ciwanê kurdan têna bi paradîgamaya Rayber Apoyî eşkenê xo modernîteya kapitalîlste ra bixelisnê. Têna zanayîş qîm nêkeno, pratîk hewce keno.

Têna Vakur de nê, Rojhelat, Rojawan, Başûr, Şingal û Kampa Mexmûr de vera kurdan polîtîkaya qirkerdişî yena rayraberdene. Başûr bi destê PDKyî no zîhnîyet yeno caardene. Ciwanê Başûrî şinî Ewropa. Rajawan de zî wina yo, pîya bi destê PDKyî serê grobanê çeteyan ra polîtîkaya qirkerdişî yena rayraberdene. Rojhelat û cayanê bînan de zî eynî zîhnîyet hetê hêzanê cîyayan ra yeno rayraberdene. Nê pêro seba ke raştîya Rayber Apoyî nêro famkerdene û ciwanê kurdan têwrê têkoşînî mebê yenê kerdene. Dişmen semedê qirkerdişê kurdan şino ciwananê kurdan ser la sey verî nêkeno, nika metodanê nermikan şuxulneno. Bi PKKyî Kurdîstan de şorişê ganîbîyayîşî bi temam. Coka dişmen zano ke nêeşkeno bi metodanê verênen ciwananê kurdan bîgêro binê kontrolê xo.

Nika yeno waştene ke komloyê mîyanneteweyî bi tecrîd û faşîzmê AKP-MHPyî, konseptê tesfîye û qirkerdişî bireso peynî. Kurdî û dostê înan 25 serrî yo vera komployî têkoşînê bêmabên danê. La ma sey têgêrayîş û şarî zanê ke heta azadîya fîzîkîye ya Rayber Apoyî nêro caardene, planê hêzanê komplogeran nînê betalkerdene. Coka ganî ma têkoşînî xurtêr bikerê. Bêşik no tewr zaf wezîfeyê ciwananê kurdan o. Ciwanîye hêzê pawitişî yê komelî yo.

Rayber Apoyî her çî semedê kurdan, cinîyan, ciwanan, şaranê bindestan kerd. Hêzê serdestê bi vergirewtişê Rayber Apoyî wazenê ey ra qesas bîgêrê. Vera nê ganî Rayber Apo bêro wayîrvejîyayene. Ganî ma bi caardişê azadîye fîzîkîye ya Rayber Apoyî planê ke serê komployî ra ameyî kerdene, betal bikerê. Heta nika embazanê enternasyonalîstî zaf wayîrê Rayber Apo, şorişê Rojawan û şorişê Kurdîstanî vejîyayî. Ma nê tewirî zaf muhîm vînenê û sey şarê kurdî ûTêgêrayîşê Azadîye yê Kurdîstanî şaranê dinya rê spas kenê. Paradîgmaya Rayber Apoyî semedê xelisnayîşê heme merdimîye ya. Coka ganî ma pêro pîya wayîrê Rayber Apoyî bivejîyê.”