Merkezê Îrtîbatî û Çapemenîye yê HPGyî derheqê xoverdayîşê gerîlayan ê Avaşînî de eşkerayîyêke daye. HPGyî nê agahîyî dayî:

''Çarçewa Hemleya Bazanê Zagrosî de herêma Avaşînî de xoverdayîşê gerîlayanê azadîye yê Kurdîstanî dewam keno.

14ê hezîrane de warê Werxelê de îşxalkerê ke waşt xo nêzdîyê tunelanê şerî bikerê pê çekanê ferdîyan ameyî pirodayene û nêeşkayî aver şorê. Saete 13.00 de îşxalkerê ke waşt xo nêzdîyê tunelanê şerî bikerê gêrîyayî binê kontrolî û pê çekanê ferdîyan ameyî pirodayene. Na çalakîye de yew îşxalker ame cezakerdene. Saete 13.10 de komêka bîne ya îşxalkeran pê çekanê ferdîyan ameye pirodayene û tîya de 3 îşxalkerî ameyî cezakerdene, 3 îşxalkerî zî ameyî birîndarkerdene. Pê taktîkê sûîkastî zî yew îşxalker ame cezakerdene. Îşxalkerê ke waştêne erazî ra vila bibê ameyî pirodayene. Nê îşxalkerî neçare mendî ke qedemeyêk xo apey bigêrê.

Îşxalkeran dronî erşawitî warî ser û nê droneyî dima ke hetê hêzanê ma ra derbî werdî warî ra şîyî. Saete 14.30 de îşxalkeran mewzîyê şerî bi giranî dayî bombayan ver.

Nê çalakîyan de zerarêk nêresa hêzanê ma ser û bi temamî 5 îşxalkerî ameyî cezakerdene, 3 îşxalkerî birîndar bîyî. Warê Werxelê de pêkewtişê giranî û xoverdayîşo fedayî yê hêzanê ma dewam kenê.''