Bazîd de qicêk laser de cuya xo vînî kerde
Bazîdê Agirî de badê varayîşî laserî weriştî, qicêki laser de şi, cuya xo vînî kerde û xeylêk keyeyan û erazîya ramitişî zirar dî.
Bazîdê Agirî de vizêr badê varayîşê şillî û torge laserî weriştî. Dewaka Pîrexala ya dewa Qereşêxî de Nurşah Taşo 16 serre laserî de şi, cuya xo vînî kerde.
Meyîtê Taşî kişta dereyî de ame vînayene û ame berdene Nêweşxaneyê Dewlete yê Bazîdî. Reyna rîyê laseran ra xeylêk keye, axûr û erazîya ramitişî de zî xesar vejîya meydan.
