Gerîlaya HPG û YJA-Starî Berçeme Cizîra ke sekban a, qala branşê xo û rolê sekbanîye kerde.

Berçeme vat: ''Seba ke qesasê şarê xo bigêra ez tewrê gerîlayan bîya. Mi giranîye daye sekbanîye ser. 2014 de mi perwerdeyê sekbanîye dî. Seba sekbanîye hîgerî û perwerîye lazim ê. Ganî merdimî hem kesayetê xo hem zî branşê xo aver berê. Ti çend çeka xo ra hes bikerî hende netîce visnenê destî. Babeta kamuflajî zaf girîng a. Ganî çew nêzano sekbanî hê ça de yê. Ganî sekban û çeka sekbanîye bibê yew. Sekbanîye de têna yew hemleya to esta û ganî ti aye hol bişuxilna.

Çalakîya min a verêne vîrê mi ra nêşona. Wextê çalakîye de zerrîya merdimî seke perrena. Her çalakîye kelecan û perwerîya merdiman zêdînena. Embazanê sekbanan çalakîyan de derbê pîlî dayî dişmenî ro.

Mîyanê PKKyî de sekbanîye beşêko cîya yo. PKK kesayetê merdiman de famê şuxilnayîşê çekan aferneno. Artêşanê bînan de sekbanîye yena manaya qetilkerdişî. Gerîlayî sekbanîye de bîyî pispor. Ma pê firsendanê kêmanê metodanê neweyan afernenê û netîceyanê pîlan visnenê destî.''