Berê Sînorî yê Kapikoy-Razî 1991 de ame akerdene, 2004 de bi îdîaya 'hemkarîya rêxistine' hetê AKPyî ra ame qefilnayene. Dima ber bi merasîmêkê fermî hetê AKPyî ra reyna ame akerdene. Berê sînorî 2020 de bi bahaneya Korona ame qefilnayene. Selahîyetdarê Îran û Tirkîya derheqê babete de yewbînan sûcdar kenê. Berê sînorî çimeyo verên ê debara şarî yo.

Berê sînorî 18ê temmuza 2009î de, 24ê teşrîna verêne ya 2010î de, 16ê nîsana 2011î de, 10ê teşrîna verêne ya 2015î de, 19ê adara 2019î de û 14ê nîsana 2021î de ame akerdene.

Taylan Durman wayîrê fîrmaya mînîbusan o û bi serran raywanî berdî berê sînorî. Durmazî ard ziwan ke Îran zî Tirkîya zî nêwazeno ber akerde bimano û vat: ''Merdimê Wanî mexdûr ê, muracatê ma bêcewab manenê. Merdimî nêeşkenê bazirganîye bikerê coka feqîrîye ancenê.''

Emre Degero ke berê sînorî yê Kapikoyî de debara xo keno vat: ''Bazirganîye çin a. Têna transîtî yenê şinê.  Rewşa berê sînorî yê Bajêrgeh û Bazîdî zî wina yê.''