Gerîlayanê HPG û YJA-Starî Berwarî de vera artêşa tirke çalakîya sabotajî kerde. Merkezê Îrtîbatî û Çapemenîye yê HPGyî derheqê çalakîye de na eşkerayîye daye:

''Artêşa TCyî ya îşxalkere wextêkî ra nata qezaya Berwarî ya Sêrtî de waeê Kato Hêşetî de bi tîmanê taybetam faalîyetê dafikî kerdêne. Hêzanê ma na yewina dişmenî girewt binê kontrolê xo û wextêk têgêrayîşê dişmenî teqîb kerd. 12ê tebaxe de saete 22:00 de hêzanê ma warêkê mabênê Berwarî û Hêşetî de vera wesayîtê yewina dişmenî çalakîyêka sabotajî kerde. Netîce de wesayîtê dişmenî bi temamî îmha bi û 10 tîmê taybetî ameyî cezakerdene.  Bi na çalakîye selam ame kerdene serrgêra 36. ya Hamleya 15ê Tebaxe.

7ê tebaxe de artêşa TCyî bi paştdayîşê kontrayan waranê Koruk û Axula yê qezaya Payîzava ya Wanî de dest bi operasyonî kerd. No operasyon 13ê tebaxe de bi hawayêkê bênetîce qedîya û hêzê dişmenî agêrayî warê xo. Artêşa TCyî ya îşxalkere war de hema zî faalîyet kena.

1ê tebaxe de artêşa TCyî ya îşxalkere warê Çiravî yê Herêma Koyê Gabarî yê Şirnexî de hêrişê hewayî kerd. Nê hêrişî de embazê ma Argeş û Warşîne şehîd bîyî. Zanayîşê derheqê embazanê ma yê şehîdan de dima rayaumûmîye reyde do bêrê parekerdene.

15ê tebaxe de teyarayanê şerî yê artêşa TCyî ya îşxalkere warê Aris-Farisî yê Avaşînî yê Herêmanê Pawitişî yê Medya ser o bombayî varnayî. Bombarduman de zerarêk nêresa hêzanê ma ser.

13ê tebaxe de teyarayanê şerî yê artêşa tirke ya îşxalkere dewa Reşankê ya herêma Zawite ya Duhokî de wesayîtêkî ser o bombayî varnayîş. Nê hêrişî de 3 milîsê ma şehîd bîyî.''