Dîya zanayene ke herêma mabênê Sêrt û Şirnexî Besta de daristanan de şewat vejîya. Goreyê çimeyanê herêmîyan şewat Girêgivara, Besta Hincê, Germav û Kanîfeşk de dewam keno.

Ame parekerdene ke şewat operasyonê leşkerî ra semed vejîya. Sey verî pê bahaneya operasyonî şewatî rê mudaxele nêno kerdene.

Çewlîg zî 5 rojan ra nata vêşeno. Şewat 25ê hezîrane de herêma Suwêranî ya Dara Hênî de dest pêkerdbi. Semedo ke şewat nêzdîyê qereqolê Suwêranî de vejîya û ci rê mudaxele nêno kerdene sey fa3il dewleta tirke yena nîşankerdene. Şewat roja yewşemeyî bi 3 kîlometreyan nêzdîyê merkezê qeza bi. Netîceta şewatî de herêma Koyê Sipî hema hema bi temamî vêşaye û bi hezaran gandarî zî binê tehlukeyê çinbîyayîşî de yê.