Gerîlayanê YJA-Starî derheqê Hemleya 15ê Tebaxe de ANFyî rê qisey kerd.

Dr. Hêja Rênase îfade kerd ke guleyo ke Botan de ame teqnayene qîrayîşo tewr pîl ê vera faşîzmî û dewamê xoverdayîşê zîndanan bi. Dr. Hêja vat: ''O çax hêvîya şarî nêmendbî. Na qehremanîye û xobawerkerdiş têna Botan de nêmend temamîya Kurdîstanî rê vila bîyê. Guleyê verênî yê Fermandar Egîdî kerd ke bi hezaran Egîdî hişyar bibê û verê xo bidê koyanê azadan. Xoverdayîşê Zap, Avaşîn û Metîna ruhê 15ê Tebaxe yo. Heta ke no ruh dewam bikerı, qet yew hêz û teknîk nêeşkeno verê ma bigêro. Coka ma do bi ruhê 15ê Tebaxe serkewtişê xo tim pîl bikerê.''

Gerîlaya YJA-Starî Roza Serhat vist vîrî ke Hemleya 15ê Tebaxe moralêko pîl da şarî û vat: ''15ê Tebaxe seba şarî bi roja gandarbîyayîşî. Hemle qesasê serran girewt, xîret kerd ke layîqê xoverdayîşê zîndanan bib. No ruh hema zî est o. Raştîya şer û xoverdayîşî yê Herêmanê Pawitişî yê Medya xoverdayoxanê zîndanan û ruhê Fermandar Egîdî ra îstîfade keno. Nameyê YJA-Starî ser o heta ke alaya embaz Egîdî koyan de berz biba ma do şer bikerê.''

Gerîlaya YJA-Starî Toprake Dîrok vist vîrî ke bi qehremanî û hêzê xoverdayoxanê Zîndanê Amedî Hemleya 15ê Tebaxe dîyaya destpêkerdene û vat: ''Ma deyndarê nê şarî yê û seba ke deynê xo bidê ma bi hezaran şehîdî dayî. Se beno wa bibo seba azadkerdişê şarî ma do pê pêro hêzê xo vera faşîzmî şer bikerê û ser bikewê. Azadîye heqê şarê ma ya. Şarê ma bedelê giranî dayê. Şexsê Solîne, Ceylan û bi hezaran domananê kurdanê ke ameybî qetilkerdene de ma do bi kîn û hêrsê xo hêzanê îşxalkeran Kurdîstanî ra bifetilnê.''

Gerîlaya YJA-Starî Doga Botan vat: ''Hişmendîya kolonyalîste waştêne kurdan çin bikera. 15ê Tebaxe têna çalakîyêka leşkerîye nê çalakîyêka îdeolojîje zî bîye. Dima ke Mazlûm Doganî adirê azadîye Kawayî ra girewt û teslîmê Fermandar Egîdî kerd no adirê azadîye vurîya bi meşaleyêka tim vêşena. Na meşale tim do zerrîya faşîzmî bivêşna. PKK roje bi roje beno pîş. PKKyî reyde ruhê azadîye ame gandarkerdene û Rayber Apoyî no ruh aferna. Sey milîtananê Rayber Apoyî û şerwananê Fermandar Egîdî ma do têkoşînî ser bivisnê.''