Temsîlkarê Amedî yê Sendîkaya Rojnamegeran a Tirkîya (TGS) Mahmut Oralî derheqê qetilkerdişê rojnamegeran Nazim Daştanî û Cîhane Bîlgîn de ANFyî rê qisey kerd. 

Oralî pare kerd ke wird rojnamegerî qestî ra ameyê hedefkerdene û vat: ''Rixmo ke wesayîtê înan ser o 'çapemenîye' nusîyayêne no hêriş ame kerdene.Yanî no hêriş raşta raşte ame kerdene. Çunke embazanê ma raştîyê şerî yê dewleta tirke eşkera kerdêne. Goreyê huqûqê mîyanneteweyîyî hêrişê vera rojnamegeran sûc ê. La Tirkîya rojnamegeran kena hedef û qetil kena.''

Oralî dîyar kerd ke rojnamegeran vera qirkerdiş û tehdîtkerdişî nêrazîbîyayîşê xo mojna coka ameyî tepiştene. Oralî vat: ''Tirkîya bi eşkerayîyanê xo xîret kena ke embazanê ma yê rojnamegeran krîmînalîze bikera û qetilkerdişê înan meşrû bikera. Werte de sûcêk est o û nêno qebulkerdene. Ganî Tirkîya mesuldarîyanê xo bîyara ca, hesab bida.

Îqtîdarê AKP-MHPyî keno ke medya kontrol bikero. Ganî rojnamegerî vera teda xo kontrol bikerê. Ma çendek xo ver bidê hende do bizêdîyê. Ma sey rojnamgeran têkoşînî rê fek vera nêdanê. Ganî ma wayîrê mîrasê embazanê xo vejîyê.''