Merkezê Îrtîbatî û Çapemenîye yê HPGyî bîlançoya şerî ya menga tebexe eşkera kerd. Goreyê eşkerayîye 323 çalakîyanê Gerîlayanê Azadîye yê Kurdîstanî de  134 îşxalkerî ameyî cezakerdene, xeylêk malzeme  ame îmhakerdene û derbkerdene. 10 gerîlayî şehîd bîyî.

HPGyî vat: ''Serrgêre 40. ya Hemleya 15ê Tebexe de hêrişanê îşxal û îmhayî yê dewleta tirke bêmabên dewam kerd. Gerîlayê Azadîye yê Kurdîstanî 40 serrî yo vera nê hêrişan semedê pawitişê şar û erdê xo têkoşîn kenê. Dewleta tirke tim îdîa kena ke gerîlayî qedînayî. Gerîlayê Azadîye yê Kurdîstanî ke bi çend heb yewîyanê leşkerî kewtî rayîr ewro têna Vakurê Kurdîstanî û sînorê Tirkîya de nê heme Kurdîstan û Rojhelatê Mîyanênî de hêzêko xurto ke îlhan dano şaranê bindestan. No hêzo ke ne dewleta tirke ne zî hêzê hegemonikî yê mîyanneteweyî 40 serrî yo nêeşken çîn bikerê, do têkoşînê xo yê azadîye yê meşruyî yo ke Kurdîstan de bi fedayîyîye û qehremanîye destankî yeno rayraberdene, bi tecrubeyê 40 serran xurtêr bikerê û biresnê serkewtişî.''

Vakurê Kurdîstanî 

Eşkerayîye de bale ameye antene nê xususan ser: "Dewleta tirke ya qirkere menga tebaxe de sere de Vakurê Kurdîstan de hêriş û operasyonê xo bêmabên domnayî. Sere de  Garzan, Dêrsim, Serhad, Mêrdîn, Botan û Amed Vakur de xeylêk operasyonî ameyî kerdene. Zafê nê operasyonan ameyî betalkerdene, dewleta tirke reyna mergê leşkeranê xo ke netîceya çalakîyanê gerîlayan de merdî, şarî ra nimit. Têna mergê leşkerêkê warê Glîdaxî yê Serhedî de ame cezakerdene, îtîraf kerd. Senî ke xoverdayîşê hemrayanê ma yê Ardeme û Bêrîtane yê Garzanî ra zî yeno vînayene gerîlayî bi xoverdayîşê destankî derbanê giranan danê dişmenî ro. Gerîlayî do sey 40 serran ewro ra tepîya tim bibê ters û xofê dewleta tirke.

Herêmê Pawitişî yê Medya

Artêşa tirke ya îşxlakere hetêkî ra Vakurê Kurdîstanî de hêrişê xo bi operasyonanê hîrayan rayra berdî hetê bînî Herêmê Pawitişî yê Medya hewa û erdî ra bêmabên bomarduman kerdî. Menga tebaxe de Herêmê Pawitişî yê Medya 113 rey pê tayarayanê şerî, 40 rey pê helîkopteranê hêrişî, bi seyan rey bi obus, tanq û çekanê giranan dîya bombayan ver. Vera mewzîyanê mayê xoverdayîşî  rayêke bombaya taktîk nukleerî û 2 rey teqabero qedexe ame şuxulnayene. Reyna Başûrê Kurdîstanî de cayê roniştişî  û wesayîtê şarê herême hewa û erdî ra dîyayî bombayan ver, şarê ma şehîdî dayî. Hukmatê Başûrê Kurdîstanî ke qet vera nê nêrazîbîyayîş nêmojna û xeta îxanet-hemkarîye bîyî hemkarê nê sûcê şerî yê dewleta tirke û vera qetilkerdişê însananê ma yê sîvîlan qet vengê xo nêvet.

323 çalakîyan de 134 îşxalkerî ameyî cezakerdene

Hêzanê ma manga tebaxe de; 323 çalakîyî kerdî. Nê çalkaîyan de 134 îşxlakerî ameyî cezakerdene, 23 îşxalkerî birîndar bîyî. Reyna xeylêk malzemeyo leşkerî ame îmkerdene ya zî ame destsernayene û derbkerdene.

10 gerîlayî şehîd bîyî

Menga tebaxe 10 hemrayê ma yê ke bi ruhê Hemleya 15ê Tebexe têkoşîn kerdêne şehdî bîyî. Vakurê Kurdîstanî de fermandare û şervanê  serkêş û fedayîye yê YJA Starî Ardeme Ararat (Sultane Oruç), Gulbahare Mercan (Şekirnaze Kaplan), Eyleme Munzur (Emine Kaplan), Dicle Eylem (Leyla Gulcu) û Bêrîtane Sîser (Gurbete Kaymaz)  şehîd bîyî. Herêmanê Pawitişî yê Medya zî hemrayê ma Rêzan Botan (Rêzan Gungen), Bawer Botan (Bekir Kina), Çiya Agirî (İsmail Por Mahmud), Meskene Nisêbîn (Zeynep Kaya) û Kawa Çekdar (İbrahim Demir)  şehîd bîyî. Hemrayê ma yê ke Garzanî ra heta Mêrdîn, Zap û Metîna bi qerardarîye û fedakarîye şerd kerd, rayîrê Fermandarê ma yê Bêmergî Edîg (Mahsum Korkmazî de rayra şîyî û tewrê kerwanê şehîdan bîyî.''