Partîya  Şaran a Demokratîke (HDP) ya bajarê Amedî, bi kombîyayîşêk namzedê hemşaredarîya Bismilî Gulşen Ozere û Orhan Ayaz, namzedê hemşaredarîya Bajarê Girdî ya Amedî Adnan Selçûk Mizrakli û Hulya Alokmen Ûyanike şarê reyde dayî şinasnayene. Parlamenter Dersim Dage, Salîha Aydenîze û Îmam Taşçier beşdarê kombîyayîşî bîyî.

Namzedê hemşaredarîye dekewtişê qezaye de bi konvoyêk mayeî peşwezîkerdene û derbazê banê HDP’yî yê qezaye bîyî. Tîya de bi coşêko gird şar vera namzedan şi û sloganê “Amed yê ma yo, Bismil yê ma yo”, “Leyla Guvene rûmeta ma ya”, Biciwîyo xoverrodayîşê zîndanan“, Bi xoverrodayîş ma do ser bikewê“ û “Bi zor û zordarîye nêşekenê verê ma bigîrê” ameyî eştene. Namzeda hemşaredarîye Gulşen Ozere silam da şarî û vat, “Bi xizmet ma do şarê xo rê layik bibê. Ma do pîya ser bikewê”

Namdet Orhan Ayaz zî vist vîrî ke Leyla Guvene û 281 girewteyî grevê vêşanîye de yê û vat, “Leyla Guvene rûmeta ma ya. Ma do şarê Bismilî reyde 31’ê Adare de bîleta qeyûmî bibirnîme.”

Namzedê hemşaredarîya Bajarê Girdî ya Amedî Adnan Selçûk Mizrakli zî wina vat, “Sembolê serkewtişî yê şarî û neteweyan yewî ya, destdayîşyewbînan û hetkarî ya. Şaro ke yewîya xo awan nêkerda, o şar tim binê tesîrê zor û zordarîye dişmenan de maneno, yeno pankerdene. Ewro roje roja yewî ya,  Biciwîyo yewîya ma,  ma şar îme, biheq îme û ma do ser bikewê”,

Mizrakli bale ente serê cezayê ke seba Gulten Kişanake û Sebahat Tûncele ameyî birnayene û vat, “Uca edalet nêno vilakerdene. Bingehê huqûqî edalet nîyo. Bingehê zulmî yeno eştene. La cinî estê ke sîstemê huqûqê înan muhakeme kenê. Ma şewa 31’a Adare ya ke 1’ê Nîsane ra dana girê şaredarîyê ke ameyê xespkerdene ma do reyna teslîmê ê şarê xo bikerê.”

Parlamenter Dersim Dage, Salîha Aydenîze û Îmam Taşçier agêrayîşê Bismilî de verê keyeyê Leyla Guvene de vinetî û silam da Guvene.