Endamê Tîma Awankerdişê Haştîya Komelkîye (CPT) Kameran Osmanî da zanayene ke vizêr serê sibayî bombardumananê dewleta tirke ya îşxalkere ra herêma Berwarî Bala de adir kewto panc dewan.

Kameran Osmanî dîyar kerd ke şewat resayo mîyanê dewanê Mêrga Qesrê, Girê Sor, Elkîşkê, Cembelkê û Bêlîzanê.

Osmanî da zanayene ke dewa Elkîşkê de bax û goristanê dewe binê şewatî de mendê û vat: ''Tayê dewijî eşkayê xo şewatî ra bixelisnê la 19 keyeyî mîyanê şewatî de mehsur mendê.''

Osmanî var ke goreyê texmînan şewat de qasê 2 hezar û 400 donim erazî vêşayo.