Hêrişê artêşa tirke yo ke 15ê hezîrane de vera Mexmûr, Şingal û Qendîlî bi hawayêke hemwextî ame kerdene de rêçê bombayanê kîmyewîyan estê.

Hêrişo ke nizdê 30 teyarayê şerî ameyî şuxulnayene û îHA û SÎHAyan zî paştî da înan de xeylêk ban û axûrî ameyî rijaneye û herême şewat vejîya.

Dimenê neweyî yê hêrişê vera Kampa Multecîyan a Mexmûrî vejîyayî meydan ke nê bombayî nêmanê bombayanê bînan. Bombayê ke cayêko kerrayin de teqayî û înan ra kilaya girde vejîyaye. Coka şar şikdaro ke ê bombayê cîya yê. Şarê Mexmûrî ke şi cayê teqayîşî vat şewatê înan zaf kerd derg û boya sey sayan û boyê cîyayî ameyêne. Şarê herême vano beno ke bombayê kîmyewî ameyî şuxulnayene wazeno ke wa cipersayîş bêro kerdene.