Endamê Konseya Rayberdişî ya KCKyî Cafer Şervanî  derheqê çalakîyanê 1ê Gulane de qisey kerd. Qiseykerdişê Şervanî bi kilmî wina yo:

''Çalakîyê 1ê Gulane do netîce bîyarê. Îqtîdaro faşîst ê AKP-MHPyî vera kedkar û karkeran faşîzm, teror keno, her roje hêrişê Kurdîstanî keno. Girîng o ke hêzê demokrasî yê tirkan vera nê hêrişan vejîyê. Bingeyê krîzê ekonomîkî de şer esto.

Dewlete Vakurê Kurdîstanî de pêro metodanê zorbazîye ana ca. Hîşmendîya na dewlete têna pê xoverdayîşî vurîyena. Eke xoverdayîş bêro pîlkerdene na dewlete polîtîkayanê xo reyde do birija.

Hemleya ma ya 'Wextê Azadîye' do emser derbanê giranan bida dişmenî ro. Qelsîya îqtîdarî roje bi roje zêdîyena. Hêrişê vera HDPyî zî armancê qesasî ra yo. Ê seba ke HDP biqefilnê pêro qanûnanê xo zî bimnpay kenê. Pê metodanê zor û zorbazîye teslîmîyet ferz kenê.

Şarê kurdî û komelê Tirkîya ganî pîya cepheyê antîfaşîstî de cabigêrê. Komelê Tirkîya û dormeyo demokratîk ganî tewrê Hemleya 'Wextê Azadîye' bibê û xo îqtîdarê faşîstî ra bixelisnê. Girîng o ke şar bi xurtî tewrê hemle û çalakîyan bibo û têkoşînî rê dewam bikero.

Vera îqtîdarê AKP-MHPyî ganî îtîfaqo demokrasî bêro kerdene. Eke pêro hêzê demokratîkî çareserîya meseleya kurdan ser o vinderê çîyê girîngî do biqewimîyê.''