Gerîlayê HPGyî Firat Gîzlenç (Sîdar Farqîn) Şirnex de netîceya hêrişê hewayî yê artêşa tirke ya îşxalkere de 14-15ê teşrîna verêne de şehîd bibi. Cenazaya Gîzlençî qezaya Farqînî ya Amedî de ameye definkerdene.

Keyeyê Gîzlençî vizêr muracatê Dozgerîya Şirnexî kerd. Dima ke dozgerîye destûr da keyeyî Nêweşxaneyê Dewlete yê Şirnexî de cenaza teşhîs kerde û girewte.

Keyeyî cenaza berde qezaya Farqînî ya Amedî û binê ablûqaya polîsan de camîyê taxa Qulfa de wecîbeyê dînî kerdî. Dima zî binê ablûqaya polîsan de Goristanê taxa Qulfa de cenaza ameye definkerdene.

Ferdê keyeyî û bi seyan kesî tewrê merasîmî bîyî. Cenazaya Gîzlençî binê ablûqaya polîs û wesayîtanê zirxînan de ameye definkerdene.