Cinîya êzidîye Barane Hasan Raho 6ê tebaxe de taxa Ebşî ya qezaya Mîdyadî ya Mêrdînî de hetê camêrd Serkan O. ra ameye qetilkerdene. Keyeyê Barane  Ewropa ra ame û cenaza morgê Nêweşxaneyê Dewlete yê Mîdyadî ra girewtî.

Babîyê Barane Hasan Rasho Alî Mîdyad de hetê komêka êzidîyan ra ame pêşwazîkerdene û verî gerre kerd. Wekîla HDPyî ya Êlihî Feleknase Uca, Endamanê Meclîsê Cinîyan ê HDPyî û aktîvîstanê Têgêrayîşê Cinîyan ê Azadan verê morgî de keye pêşwazî kerd.

Alîyî pare kerd ke 2014 de ê zulmê DAÎŞî ra neçare mendî ke şorê Ewropa la heman hişmendî kênaya ci kişta. Hemsereka HDPyî ya Mêrdînî Perîhane Agaoglu zî waşt eşkerayîye bida la polîsan a asteng kerde.

Wextê nîqaşî de cinîyan sloganî eştî. Feleknase Uca zî da zanayene ke Barane qirkerdişê DAÎŞî ra remaye la welatê xo de ameye qirkerdene.

Cenazaya Barane erşawîyaye Şingalî.