Vizêr Zîndanê Wanî de tepişte Rêber Soydanî bi hawayêkê şikdarî dinyaya xo bedilnabî. 

Keyeyê ci cenaza morgê Nêweşxaneyê Tipî yê Dırsun Odabaşiyî yê Zanîngehê Yuzuncu Yilî yê Wanî ra girewte û berde qezaya Geverî ya Colemêrgî. Konvoyê cenaza xeylêk noqtayan de ame vindarnayene û polîsan keye asteng kerd. 

Gever de zî polîsan nêverda ke cenaza nêweşxane û camî de bêra şitene. Keyeyê banê xo de cenaza şite. 

Cenaza bi beşdarîya rêxistinanê DEM Partî, DBP û îdarekaranê TUHAY-DERî ameye definkerdene.

Hemserekê DEM Partî ye Geverî Ercan Sevmezî tîya de pare kerd ke ê do banê keyeyê Soydanî de şîn ronê.