Cenazaya rojnameger, nuştox û kedkarê çapemenîya azade Necmettîn Salazî Silêmanî ra bi merasîmêkî erşawîyaye Wanî.

Merasîm Salona Sînema Salîmî ya Silêmanî de dest pêkerd. Xeylêk rojnameger, nuştox, hunermend, keye û dostê Salazî tewrê merasîmî bîyî. Merasîm de deqayêkê rêzgirewtişî ra dima sînevîzyonêk ame mojnayene. 

Merasîm de nameyê Şîrketa Çapemenîye ya Çetirî ser o Aras Îbrahîmî qisey kerd û qala têkoşînê Salazî kerd.

Merasîm de mesajê KCK û YNKyî yê seba wefatê Salazî ameyî wendene.

Nuştox û sîyasetmedar Mihemed Emîn Pêncewînîyî qiseykerdişê xo de pare kerd ke Salaz sembolê welatperwerîya zelale bîyo.

Embazê Salazî yê karî rojnamegere Semîra Seîd merasîm de ard ziwan ke Necmeddîn Salaz şehîdê qeleme yo û rojnamegerê kurdî do tim rayîrê Salazî ser de şorê.

Nameyê keyeyî ser o Cemîl Demîrî qisey kerd û vat: ''Mamosta Necmeddînî qedî verê zulm û zrobazîya dewleta tirke de sereyê xo nêard war.''

Merasîm bi sloganan qedîya û cenazaya Salazî ver bi şaristanê Wanî yê Başûrê Kurdîstanî ameye erşawitene.