Gerîlaya YJA Starî Newroze Alkaşa ke 7ê hezîrane de Dêrsim de pêkewtişêk de bîbe şehîde, cenazaya ci badê hîrê aşman hetê keyeyê ci ra ameye girewtene û  Amed e ameye definkerdene.

Keyeyê Alkaşe ke 9ê hezîrane de xebera şehedatê kênaya xo eşnawite a roje ra nata semedê girewtişê cenaza têgêreno. Keyeyî 10 hezîranî de  Meletî de testê DNA viraşt dima ra ame vetene ke nimûneyê gonîya înan pênêmanenê. 16ê tebaxe de qereqolî reyna veng da  keyeyî ke cenazaya xo bîgero. Keye şi Meletî de serdozgerî de pêvînayîş kerd û reyna ame şawitene Dêrsim. Keyeyî ke Dêrsim de muracate qereqolî kerd ame şawitene serdozgerîye. Serdozgerîye keyey reyna şawit Meletî. Peynî de keyeyê Alkaşe 20ê tebaxe de cenazaya xo girewte û berde Amed. Wesayîtê keyeyî rayîr de xeylêk rey hetê leşker û polîsan ra ame vindarnayene. Cenaza badê caardişê wecîbeyanê dînîyan Goristanê Taxa Şehîdkîkî  yê Yenîşehîrî de binê ablûqaya polîsan de ameye definkerdene. Polîsan destûr nêda ke îdarekarê MEBYA-DERî şar tewrê cenaza bibo.