Hemserekê HDPyî yê Amedî Zeyat Ceylanî derheqê tecrîdê vera Rayberê Şarê Kurdî Abdulah Ocalanî û xîretê îşxalê Tirkîya yê vera Başûrê Kurdîstanî de ANFyî rê qisey kerd.

Qiseykerdişê Ceylanî rê beşêk wina yo:

''Sîstemê Îmraliyî sey teknîkê îdareyêkê neweyî yeno caardene. Tecrîd vera haştî aramîya Tirkîya yeno kerdene. 21 serrî yo ke tecrîd nbi hawayêkê sîstematîkî dewam keno. Îatîdar û burokrasîya dewlete pê polîtîkaya tecrîdî çîyêk nêvist destî. Tecrîd şer, teda û mergî ardî.''

Prosesê haştîye de rijîyayîşê gonîya vindert û komel hêvîdar û bibawerî bi. Dima ke Birêz Ocalanî reyde dîyalogî vindertî alozîye reyna dest pêkerde. Coka Birêz Ocalan vengê çaareserî yo. Tecrîd verê çareserîya meseleya kurdî û demokratîkbîyayîşê Tirkîya gêno. Seba haştîye rayîr têna dîyalog û pêvînayîşê bi Birêz Ocalanî yo. Mexatabo verên Birêz Ocalan o û çareserî Îmrali de yo.

Tecrîdê vera Birêz Ocalanî tecrîdkerdişê huqûq, demokrasî û ameyoxê herême yo. Eke vera tecrîd têkoşîn nêro kerdene vera bêhuqûqî zî têkoşîn nêno kerdene. Ganî komel û demokratî vera tecrîdî tewirê xo bimojnê.''

Ceylanî bale ante hêrişanê vera Başûrê Kurdîstanî û vat: ''Her ke tecrîd beno xorin şer zî beno xorin.Ganî ma pê têkoşînê xo dewleta tirke rê ferz bikerê ke vera pêkerdişê kurdan têmegêra. Ma bi israrî vanê ke yewîya kurdan ra tersenê. Averşîyayîşê kurdan ra tersenê.Îqtîdar pê şerî payan ser o vindeno. Ganî şarê Tirkîya na polîtîka eşkera bikerê. Pê şerî komel îdare kenê. Çareserîya naye metodê demokratîkî yê.:''