Hemsereka Federasyonê Komeleyanê Huqûq û Paştdayîşî yê Keyeyanê Tepişte û Hukmwerdeyan (MED TUHAD-FED) Elîfe Haran rê bi îdîaya ''endamîya rêxistine'' cezaya hepsî ya 6 serran û 3 mengan ameye dayene.

Roniştişê qerarî yê  dewaya Harane Mehkemeya Girane ya 10 ya Amedî de ame kerdene. Harane  rîyê falîyetanê ci yê KCD, TJA û Komeleya Cinîyan a Rosa yena sûcdarkerdene tewrê roniştişî nêbîye. Avûkatê Harane Mehdî Ozdemîrî ard ziwan ke komelê ke qala înan yena kerdene muwekîla ci endamê înan nîya û vat: ''Îdîaya şahîdê eşkerayî Ekram Demîrî raşt nîyî.'' Ozdemîrî ard ziwan ke Çalakîyê ke muwekîla ci tewrê înan  bîya sûc nîyê û tehlîyeya muwekîla xo waşte. Heyetê Mehekeme Cezaya 6 serran û 3 mengan daye Harane.

Hetê bînî ra Amed de reyna eynî mehkeme de roniştişê qerarî yê dewaya îdarekaro verên ê HDPyî yê Amedî Mehmet Sayît Demîrî zî ame kerdene. Demîr tewrê roniştişî nêbi. Badê pawitişê avûkat Berdan Acunî heyetê mehkeme bi îdîya'' endamîya rêxistine'' cezaya 6 serran û  8 mendan cezaya hepsî daye Demîrî.